कोरोना संक्रमित कांग्रेस महामन्त्री कोइराला निमोनिया र ज्वरोले अस्पताल भर्ना

समाचार

गृहपृष्ठ
समाचार
कोरोना संक्रमित कांग्रेस महामन्त्री कोइराला निमोनिया र ज्वरोले अस्पताल भर्ना

कोरोना संक्रमित कांग्रेस महामन्त्री कोइराला निमोनिया र ज्वरोले अस्पताल भर्ना

बुधबार, भदौ ३१, २०७७ बागेश्वरी पोस्ट

काँग्रेस महामन्त्री डा शशाङ्क कोइराला

काठमाडौं। नेपाली कांग्रेसका महामन्त्री डा. शशांक कोइरालालाई माइल्ड निमोनिया र ज्वरो देखिएपछि अस्पताल भर्ना गरिएको छ ।भदौ २३ गते कोरोना संक्रमण पुष्टि भएर होम आइसोलसनमा बसेर घरमै स्वास्थ्यलाभ गरिरहेका कोइरालालाई निमोनियाको शंका लागेपछि मंगलबार साँझ चाबहिलस्थित ओम अस्पताल भर्ना भएको कोइरालाका स्वकीय सचिव भरत तिवारीले जानकारी दिए । उपचारमा संलग्न चिकित्सकहरुलाई उदृत गर्दै तिवारीले कोइरालालाई माइल्ड खालको निमोनिया र ज्वरो देखिएको जानकारी दिए । हल्का ज्वरो र रुघाखोकी देखिए पनि स्वास्थ्य अवस्था सामान्य रहेको तिवारीले बताए । कोइरालालाई प्यारासिटामोल दिएर आईसीयूभित्रको आइसोलेसनमा चिकित्सकीय निगरानीमा राखिएको पनि तिवारीले जानकारी दिए ।

प्रकाशित मिति: बुधबार, भदौ ३१, २०७७ १२:२४

प्रतिक्रिया दिनुहोस्