अनेरास्ववियूले जलायो शिक्षामन्त्री शिशिर खनालको पुत्ला

शिक्षा

गृहपृष्ठ
शिक्षा
अनेरास्ववियूले जलायो शिक्षामन्त्री शिशिर खनालको पुत्ला

अनेरास्ववियूले जलायो शिक्षामन्त्री शिशिर खनालको पुत्ला

शुक्रबार, माघ १३, २०७९ बागेश्वरी पोस्ट

नेपालगन्ज । नेकपा एकीकृत समाजवादीनिकट अनेरास्ववियू केन्द्रीय समितिले राष्ट्रिय स्वतन्त्र पार्टीबाट शिक्षा मन्त्री भएका शिशिर खनालको विरोध गर्दै पुत्ला जलाएको छ ।

आज बिहान काठमाडौंको प्रदर्शनीमार्गस्थित रत्न राज्य क्याम्पस ( आरआर ) अगाडि अनेरास्ववियूको टोलीले शिक्षा मन्त्री खनालको पुत्ला दहन गरेको हो ।

शिक्षामन्त्री खनालले कक्षा १ देखि ५ सम्मको पाठ्यपुस्तक निजी क्षेत्रलाई छपाइका लागि दिने पहिलो निर्णयका कारण नेकपा एकीकृत समाजवादीनिकट अनेरास्ववियू केन्द्रीय समितिले शिक्षामन्त्री खनाल भ्रष्ट भएको आरोपसहित पुत्ला जलाएको हो ।

निजी क्षेत्रलाई पाठ्यपुस्तक छपाउन दिएर घुस खानका लागि यस्तो निर्णय गरेको र यो निर्णयले झनै विद्यार्थीहरुलाई महँगो मूल्यमा पुस्तक किन्न बाध्य हुनुपर्ने अवस्था आउने विद्यार्थी नेताको तर्क छ । शिक्षा मन्त्री खनालले निजी क्षेत्रलाई पोस्ने काम गरेको र गरिब विद्यार्थीलाई डस्ने काम गरेको अनेरास्ववियूको आरोप लगाउँदै पुत्ला दहन गरेको हो ।

प्रकाशित मिति: शुक्रबार, माघ १३, २०७९ १०:४९

प्रतिक्रिया दिनुहोस्