सनविम माविले मनायो २०औं बार्षिकोत्सब एवम् अभिभावक दिवस

शिक्षा

गृहपृष्ठ
शिक्षा
सनविम माविले मनायो २०औं बार्षिकोत्सब एवम् अभिभावक दिवस

सनविम माविले मनायो २०औं बार्षिकोत्सब एवम् अभिभावक दिवस

शनिबार, फागुन २०, २०७९ बागेश्वरी पोस्ट

नेपालगञ्ज । सनविम मावि नेपालगञ्जले आज आफ्नो २०औं बार्षिकोत्सब र अभिभावक दिवस मनाएको छ । विद्यालय प्रांगणमा आज एक कार्यक्रमको आयोजना गरेर बार्षिकोत्सब तथा अभिभावक दिवस मनाइएको छ । विद्यालय सञ्चालक समितिका अध्यक्ष चेतप्रसाद पुडासैनीको अध्यक्षता एवम् नेपालगञ्ज उपमहानगरपालिकाका प्रबक्ता एवम् वडा नम्बर १ का वडा अध्यक्ष प्रमोद रिजालको प्रमुख आतिथ्यतामा कार्यक्रम गरिएको हो ।

No description available.

त्यसक्रममा बोल्दै प्रबक्ता एवम् वडा अध्यक्ष रिजालले सनविम मावि छोटो समयमै उत्कृष्ट विद्यालयको रुपमा दर्ज भएको बताउँदै छोटो समयमै अभिभावकहरुको मन जितेको भन्दै प्रशंसा समेत गरे । उनले मानव सभ्यताको विकास क्रममा शिक्षाको नै अहम् भूमिका हुने भन्दै विद्यालयले दिने शिक्षा र संस्कारले विद्यार्थीको भविष्य निर्धारण हुने उल्लेख गरे । उनले विद्यालयमा आफ्ना बालबच्चालाई भर्ना गरेर मात्र अभिभावकको दायित्व पूरा नहुने भन्दै आफ्ना बालबच्चा र विद्यालयका शिक्षण क्रियाकलापप्रति चासो राख्न आग्रह गरे ।

विद्यालयका अध्यक्ष पुडासैनी, प्रबन्ध निर्देशक पवन गौतमले गुणस्तरीय शिक्षा प्रदान गर्दै विद्यालयलाई सधैं उत्कृष्ट स्थानमा राख्न दत्तचित्त भएर लागेको बताए । उनीले किताबी ज्ञान मात्र नभएर अतिरिक्त क्रियाकलापसंगै जीवनोपयोगी शिक्षा र सीपमा पनि विद्यार्थीहरुलाई अग्रसर गराइरहेको बताए । विद्यार्थी र अभिभावकहरुको चाहना अनुसार विद्यालय अघि बढिरहेको उल्लेख गर्दै उनीहरुले गुणस्तरीय र व्यहारिक शिक्षा प्रदान गर्ने कुरामा कुनै कम्प्रमाइज नहुने स्पष्ट पारे ।

स्वागत मन्तब्य व्यक्त गर्दै प्राचार्य शान्त मल्लले विद्यालयलाई अभिभावकहरुका सुझाब र गुनासाहरुको हमेसा खाँचो पर्ने भन्दै स्वस्थ आलोचनाले विद्यालयलाई अझ अघि बढ्न प्रेरणा मिल्ने वताए । आफ्ना सुझाब र गुनासा विद्यालय प्रशासनसमक्ष स्पष्ट ढंगले राख्न उनको आग्रह छ । आदर्श ग्रुपले सञ्चालन गरिरहेको सनविम माविको बार्षिकोत्सब कार्यक्रममा सञ्चालक सदस्यहरु डा.राजकुमार सुवेदी, प्रकाश लामिछोन, इश्वरप्रसाद पोख्रेल, गिरिराज पौडेल लगायत उपस्थित थिए ।

कार्यक्रममा विभिन्न विधा एवम् क्रियाकलापहरुका उत्कृष्ट विद्यार्थीहरुलाई पुरस्कार एवम् सम्मान प्रदान गरिएको थियो । कार्यक्रममा अभिभावक शुष्मा मल्ल तथा छात्रछात्राहरु एसित गौतम, करिश्मा खनाल, अनिसिया भट्टराईले पनि मन्तब्य व्यक्त गरेका थिए । कार्यक्रममा विभिन्न कक्षाका विद्यार्थीहरुले सामूहिक नृत्य, सांस्कृतिक नृत्य पनि प्रस्तुत गरेका थिए । त्यस अवसरमा विद्यालय प्रांगणमा विभिन्न फुड स्टलहरु पनि राखिएको थियो ।

फोटोफिचर

No description available.