देशका ४ विमानस्थलबाट पोखरामा सुरु भयो रात्रिकालिन उडान

अर्थ

गृहपृष्ठ
अर्थ
देशका ४ विमानस्थलबाट पोखरामा सुरु भयो रात्रिकालिन उडान

देशका ४ विमानस्थलबाट पोखरामा सुरु भयो रात्रिकालिन उडान

शुक्रबार, फागुन २६, २०७९ बागेश्वरी पोस्ट

नेपालगन्ज । पोखरा अन्तर्राष्ट्रिय विमानस्थलमा रात्रिकालिन उडान सुरु भएका छन् । हिजो रातिदेखि देशभरका विभिन्न ४ विमानस्थलबाट बुद्ध एयरले पोखरामा रात्रिकालीन उडान सुरू गरेको छ।

बुद्ध एयरले नेपालगन्ज , भद्रपुर , काठमाडौं र भैरहवाबाट पोखरामा रात्रीकालिन उडान भरेको जनाएको छ।

बुद्ध एयरका अनुसार रात्रीकालिन उडानको लागि नेपालगन्ज - पोखरा १९:३० बजे , भद्रपुर - पोखरा १८:५५ बजे , भैरहवा - पोखरा १९:२५ बजे , काठमाडौं–पोखरा १९:३५ बजे र पोखरा–काठमाडौं १७:३० बजे उडान हुनेछ।

यसअघि आईएफआर उडान नहुँदा पोखराको उडान दिउँसो ४ बजेसम्म मात्र सीमित भएको थियो। अहिले काठमाडौंबाट ४ बजेपछि ३ उडान राखिएको छ। यसैगरी पोखराबाट काठमाडौंको उडान साँझसम्म राखिएको छ।

बुद्ध एयरले हाल ११ वटा एटीआर ९७२ जहाज र ३ वटा एटीआर ९४२ जहाज मार्फत देशभर सेवा दिदै आएको छ।

प्रकाशित मिति: शुक्रबार, फागुन २६, २०७९ १६:२३