जानकीमा आधारभूत तह कक्षा—८ को परीक्षा आजदेखि शुरु

शिक्षा

गृहपृष्ठ
शिक्षा
जानकीमा आधारभूत तह कक्षा—८ को परीक्षा आजदेखि शुरु

जानकीमा आधारभूत तह कक्षा—८ को परीक्षा आजदेखि शुरु

आइतबार, चैत ५, २०७९ बागेश्वरी पोस्ट

रबिन्द्र घिमिरे/जानकी (बाँके) । बाँकेको जानकी गाउँपालिकामा पालिकास्तरीय आधारभूत तह कक्षा—८ को परीक्षा आजदेखि शुरु भएको छ । परीक्षा विहान ७.३० वजेदेखि शुरु भएको हो ।

परीक्षा सञ्चालनका लागि जानकी गाउँपालिकाको शिक्षा शाखाले ४ वटा परीक्षा केन्द्रहरु निर्धारण गरेको छ । वडा नम्बर ४ खजुराखुर्दस्थित जानकी मावि, वडा नम्बर ४ गिजरास्थित जनसहयोग आधारभूत विद्यालय, वडा नम्बर ३ स्थित बञ्जारेगाउँ मावि र वडा नम्बर २ स्थित जोगागाउँ माविमा परीक्षा सञ्चालन भइरहेको छ । परीक्षाको पहिलो दिन आज गाउँपालिका अध्यक्ष छब्बन खाँ, प्रमुख प्रशासकीय अधिकृत सिंहराज डाँगी, सामाजिक विकास समितिका संयोजक रामआँचल धोवी, पालिकाकी शिक्षा शाखाकी प्रमुख कृष्णाकुमारी भण्डारी, गाउँपालिका अध्यक्ष छब्बन खाँका स्वकीय सचिव सोहराव अलि दर्जी लगायतले परीक्षा केन्द्रहरुमा पुगेर अनुगमन र निरीक्षण गरेका थिए ।

No description available.

अनुगमन र निरीक्षणका क्रममा गाउँपालिका अध्यक्ष खाँले ४ वटै परीक्षा केन्द्रहरुमा व्यवस्थित र मर्यादितरुपमा परीक्षा सञ्चालन गर्न निर्देशन दिएका थिए । शिक्षा शाखाकी भण्डारीले अनुगमनका क्रममा ४ वटै परीक्षा केन्द्रहरुमा परीक्षा शान्त, व्यवस्थित र मर्यादितरुपमा सञ्चालन भएको पाइएको बताइन् । पहिलो दिन जानकी माविमा १११ जना, जनसहयोग आधारभूत विद्यालयमा १०३ जना, बञ्जारे गाउँमा ५६ र मावि जोगागाउँ मा ७७ जना गरी जम्मा ३४७ विद्यार्थीहरु परीक्षा दिन उपस्थित भएका थिए । आज पहिलो दिन नेपाली विषयको परीक्षा सञ्चालन भएको थियो ।

No description available.