नेपालमा बनेका सवारीसाधन दर्ताको व्यवस्था प्रधानमन्त्रीको निर्देशन

अर्थ

गृहपृष्ठ
अर्थ
नेपालमा बनेका सवारीसाधन दर्ताको व्यवस्था प्रधानमन्त्रीको निर्देशन

नेपालमा बनेका सवारीसाधन दर्ताको व्यवस्था प्रधानमन्त्रीको निर्देशन

आइतबार, वैशाख १०, २०८० बागेश्वरी पोस्ट

फाइल फोटो

नेपालगन्ज । नेपालमा बनेका सवारीसाधन दर्ता प्रक्रियाका लागि कानुनको मस्यौदा छिट्टै अगाडि बढाउन तथा प्रोत्साहनको नीति ल्याउन प्रधानमन्त्री पुष्पकमल दाहाल ‘प्रचण्ड’ले निर्देशन दिएका छन् ।

सरकारका मुख्यसचिव शङ्करदास बैरागीलाई नेपालमा बनेका सवारीसाधन दर्ता नभएको भन्ने गुनासो आएको उल्लेख गर्दै नागरिकको गुनासो सम्बोधन हुने गरी दर्ता सम्बन्धि कानुनको तयारी गर्न र नेपाली उत्पादनलाई प्रोत्साहन गर्ने नीति अख्तियार गर्न आज बिहान निर्देशन दिएका हुन्।

प्रधानमन्त्रीले ‘यात्री’ लगायतका नेपालमै उत्पादित सवारी साधनले दर्ता भई काम गर्न नपाएको भनि सञ्चारमाध्यममा आएका गुनासोप्रति आफू गम्भीर रहेको भन्दै सोका लागि आवश्यक कार्यविधिलाई छिटो टुङ्गोमा पुर्‍याउन मुख्य सचिवलाई निर्देशन दिएका हुन् ।

प्रधानमन्त्रीको निर्देशन लगत्तै मुख्यसचिवले उद्योग वाणिज्य तथा आपूर्ति मन्त्रालयका सचिव मधु मरासिनीलाई तत्कालै नेपालमा उत्पादित सवारी साधनको दर्ता एवं प्रवद्र्धन सम्बन्धि कानुनको मस्यौदा बनाई पेस गर्न निर्देशन दिएका छन् ।

प्रकाशित मिति: आइतबार, वैशाख १०, २०८० १२:१२