शिक्षक सरुवा विरोधमा जनप्रतिनिधिसहित बिद्यार्थी र अभिभावकले घेरे तुलसीपुर उपमहानगरपालिका

शिक्षा

गृहपृष्ठ
शिक्षा
शिक्षक सरुवा विरोधमा जनप्रतिनिधिसहित बिद्यार्थी र अभिभावकले घेरे तुलसीपुर उपमहानगरपालिका

शिक्षक सरुवा विरोधमा जनप्रतिनिधिसहित बिद्यार्थी र अभिभावकले घेरे तुलसीपुर उपमहानगरपालिका

आइतबार, वैशाख १७, २०८० बागेश्वरी पोस्ट

नेपालगन्ज । शिक्षकहरुको तुलसीपुर उपमहानगरपालिकाले मनपरी सरुवा भएपछि बिद्यार्थीले नाराबाजी गर्दै उपमहानगरपालिका घेराउ गरेका छन् ।

तुलसीपुर उपमहानगरपालिका वडा नम्बर १४ स्थित बालमितेरी भोजपुरबाट आएका बिद्यार्थीले बिद्यालयका ३ जना शिक्षकहरुको सरुवा गरेपछि उनीहरुलाई फिर्ता ल्याउन माग गर्दै आइतबार दिनभर तुलसीपुर उपमहानगरपालिकाको कार्यालय घेराउ गरेका हुन् ।

भोजपुरमा कार्यरत शिक्षकहरु टंक केसी, जंग केसी र लेखराज रिजालको उपमहानगरपालिकाले आँफुखुसी सरुवा गरेपछि आक्रोशित बिद्यार्थीहरुले यथाशिघ्र उनीहरुलाई फिर्ता ल्याउनुपर्ने मागसहित उपमहानगरपालिका घेराउ गरेका हुन् ।

उपमहानगरपालिका घेराउ गर्न पुगेका बिद्यार्थीहरुले बिद्यालयमा हुने राजनीति बन्द गर, मनपरी शिक्षक सरुवा कार्य मुर्दाबाट, मनपरी शिक्षक सरुवा गर्ने कार्य बन्द गर, सरुवा भएका शिक्षकलाई फिर्ता गर भन्ने नाराबाजी गरेका थिए ।

भर्ना अभियान चलिरहँदा एकैपटक ३ जना शिक्षकहरुको सरुवा भएपछि पठन पाठन प्रभावित भएको र त्यसबाट बिद्यार्थी निराश बन्दै शिक्षक सरुवाको बिरोधमा झन्डै १३ किलोमिटर टाढा रहेको भोजपुरबाट बिद्यार्थी, अभिभावक, शिक्षक र जनप्रतिनिधि समेत उपमहानगरपालिका घेराउ गर्न पुगेका थिए ।

तुलसीपुर १४ का वडाध्यक्ष शंकर खड्काले बिद्यालयसँग सरसल्लाह नै नगरी आफुखुसी शिक्षकहरु मनपरी सरुवा गर्नु गलत भएको बताए । बिद्यार्थी भर्ना अभियान जारी रहेको समय सुरुवातमै कक्षाहरुमा शिक्षक नहुँदा खल्लो महसुश भइरहेकाले बिद्यार्थीहरु निराश बन्दै आक्रोसित बनेको वडाध्यक्ष खड्काले भने ।

साथै भर्नाको समयमा सामुदायिक बिद्यालयमा शिक्षक नहुँदा बिद्यार्थी तथा अभिभावक आक्रोसित बनेको खड्काले बताए । शिक्षक ब्यबस्थापनका नाममा तुलसीपर र घोराही उपमहानगरपालिकाले शिक्षक मनपरी सरुवा गरेको भन्दै त्यसको बिरोध हुँदै आएको छ ।