जिल्ला प्रहरी सिरहामा जवानको हातखुट्टा बाँधेर १२ घण्टासम्म दिइयो यातना

सुरक्षा-अपराध

गृहपृष्ठ
सुरक्षा-अपराध
जिल्ला प्रहरी सिरहामा जवानको हातखुट्टा बाँधेर १२ घण्टासम्म दिइयो यातना

जिल्ला प्रहरी सिरहामा जवानको हातखुट्टा बाँधेर १२ घण्टासम्म दिइयो यातना

बुधबार, असार २७, २०८० बागेश्वरी पोस्ट

सिरहा । नेपाल प्रहरीले नै आफ्नै कर्मचारीलाई १२ घण्टासम्म हात बाँधेर यातना दिएको पाइएको छ ।

जिल्ला प्रहरी सिरहामा कार्यरत प्रहरी जवान अनु रायलाई इन्सपेक्टर हेमन्त राईले हात बाँधेर यातना दिएको भिडियो समेत बाहिरिएको छ ।

जिल्ला प्रहरी कार्यालय सिरहाका अनुसार जवान रायले आचरण विपरीत कार्य गरेको र रक्सी पिएको भन्दै गाली गरेको समेत गरेको भिडियोमा सुनिन्छ ।

त्यसबेला जवान रायले आफूले रक्सी नपिएको दाबी गरेका छन् । भिडियोमा मेडिकल टेस्ट गर्न लैजाने भनिएको पनि सुनिएको छ । जवान रायलाई यातना दिएको भिडियो बाहिरिएपछि छानबिन गर्न मधेस प्रदेश प्रहरी कार्यालयले आदेश दिएको जनाएको छ ।

जवान रायले डियुटी बढी गराएको गुनासो हवल्दारसँग गरेपछि आक्रोशित भएर इन्सपेक्टर राईले हात बाँधेर कुटपिट गर्दै १२ घण्टासम्म यातना दिएका हुन् ।

यता जिल्ला प्रहरी कार्यालयले जवान रायलाई यातना नदिएको बताएको भएपनि मेडिकल रिपोर्टमा भने रायले मापसे नगरेको देखिएको छ।

प्रकाशित मिति: बुधबार, असार २७, २०८० १४:१५

प्रतिक्रिया दिनुहोस्