पृथ्वी जयन्ती तथा एकता दिवसमा नेपालगञ्जमा विचार गोष्ठी

स्थानीय

गृहपृष्ठ
स्थानीय
पृथ्वी जयन्ती तथा एकता दिवसमा नेपालगञ्जमा विचार गोष्ठी

पृथ्वी जयन्ती तथा एकता दिवसमा नेपालगञ्जमा विचार गोष्ठी

आइतबार, पुस २७, २०८२ बागेश्वरी पोस्ट

नेपालगञ्ज । ३०४औँ पृथ्वी जयन्ती तथा एकता दिवसमा आज नेपालगञ्जमा विचार गोष्ठी गरिएको छ । शाश्वत आचार्य स्मृति प्रतिष्ठान नेपालगञ्जको आयोजनामा विचार गोेष्ठी सम्पन्न भएको हो ।

प्रतिष्ठानका अध्यक्ष प्रा. डा. जनार्दन आचार्यको अध्यक्षता एवम् प्रा.डा. कृष्ण प्रसाद घिमिरेको प्रमुख आतिथ्यतामा सम्पन्न विचार गोष्ठीमा बोल्ने बक्ताहरुले राष्ट्र निर्माता पृथ्वीनारायण शाहको नेपाल एकीकरण अभियान, नीति, उनको जीवनी तथा दिव्य उपदेशमा वर्णित उपदेशहरुलाई अनुशरण गर्दा मात्र पनि देशको सार्वभौमिकता, अखण्डता, स्वाधीनता र राष्ट्रियता सदा सदाका लागि अक्षुण्ण राख्न सकिनेमा जोड दिएका थिए ।

कार्यक्रमका वक्ताहरुमा नेपालगञ्जका पूर्व मेयर बिजय गुप्ता, साहित्यकार डा. हरि प्रसाद तिमिल्सिना, बरिष्ठ अधिबक्ता लोक बहादुर शाह, साहित्यकार खगेन्द्र गिरी 'कोपिला' थिए भने कोपिला अधिकारी, बिष्णु पादुका, चन्द्रावती अधिकारी र रञ्जना नेपालले कबिता तथा सुन्दर गुरुङले राष्ट्रिय गीत सुनाएका थिए ।

प्रकाशित मिति: आइतबार, पुस २७, २०८२ २१:०२

प्रतिक्रिया दिनुहोस्