नेपालगन्जले चिन्ने सफिक बेहना उपाध्यक्षको तयारीमा

स्थानीय

गृहपृष्ठ
स्थानीय
नेपालगन्जले चिन्ने सफिक बेहना उपाध्यक्षको तयारीमा

नेपालगन्जले चिन्ने सफिक बेहना उपाध्यक्षको तयारीमा

आइतबार, असार ३१, २०८० बागेश्वरी पोस्ट

नेपालगन्ज । नेपालगन्ज उद्योग वाणिज्य संघको आगामी निर्वाचनमा निवर्तमान वडाध्यक्ष मो. सफिक बेहनाले पनि उम्मेदवारी दिने भएका छन् ।

आगामी साउन २० गते हुने नेपालगन्ज उद्योग वाणिज्य संघको निर्वाचनमा बाणिज्यतर्फको उपाध्यक्षका लागि सबैका प्रिय रहेका नेपालगन्ज - का निवर्तमान वडाध्यक्ष बेहनाले उम्मेदवारी दिने मनसाय गरेका छन् ।

बेहनाले अहिले देखिएको व्यवसायिक समस्या समाधान र संघभित्र बाणिज्य संघलाई बलियो बनाउन आफूले उम्मेदवारी दिन लागेको बताएका छन् । अहिले उद्योगी व्यवसायीहरु जटिल अवस्थामा पुगेकाले पुरानो साख जोगाउन उद्योगी व्यवसायीको समस्या सम्बोधन गर्नका लागि मैले बाणिज्यतर्फको उपाध्यक्षमा उम्मेदवारी दिँदै गरेको उनले बताए ।

आफू संघमा बाणिज्यतर्फतबाट उपाध्यक्ष भएर विभिन्न समितिको जिम्मेवारी लिँदा बाणिज्य संघको हकहितका अधिकार र दायरा ठूलो बनाउने काम गर्ने प्रतिवद्धता रहेको छ । वडाध्यक्ष हुँदा होस् वा अरु बेला पनि बेहना नेपालगन्ज उद्योग वाणिज्य संघको हकहितको लागि बोल्दै आएका छन् ।

विभिन्न सामाजिक सेवा गर्न रुचाउने बेहना राष्ट्रिय प्रजातन्त्र पार्टी (राप्रपा ) का बाँके निर्वाचन क्षेत्र नं.२ (ख) सभापति समेत हुन् । गरिव र दु:खीका सहारा भनेर चिनिने बेहना नेपालगन्ज उपमहानगरपालिकाको कार्यबहाक मेयर भएर कार्य गरेको अनुभव समेत छ ।

निवर्तमान वडाध्यक्ष बेहनाले कोरोना कहरका बेलामा अस्पताल, सुरक्षा निकाय, गरिव,बेसहारालाई स्वास्थ्य सामाग्री लगायत खाधान्न समेत निशुल्क वितरण गरेका थिए।

पक्कै पनि बेहनाको उपाध्यक्ष पदको उम्मेदवारीलाई नेपालगन्जका व्यवसायीहरुले मनन गर्दै समर्थन गरेर जिताउने आशा लिन सकिन्छ। उनको भनाइ अनुसार उनी सम्भवतः टंकप्रसाद धामीको समाबेशी प्यानलबाट उम्मेदवारी दिनेछन् ।

‘

प्रकाशित मिति: आइतबार, असार ३१, २०८० ११:५५