सरकार र शिक्षकवीचको वार्ता निष्कर्षविहिन

शिक्षा

गृहपृष्ठ
शिक्षा
सरकार र शिक्षकवीचको वार्ता निष्कर्षविहिन

सरकार र शिक्षकवीचको वार्ता निष्कर्षविहिन

बिहीबार, असोज ४, २०८० बागेश्वरी पोस्ट

काठमाडौं । आन्दोलनरत शिक्षकहरुको र सरकारबीचको वार्ता विना निष्कर्ष टुंगिएको छ । सरकारले विद्यालय शिक्षा विधेयकको विरोधमा उत्रिएका शिक्षकहरूसँग आज बिहान गरेको वार्ता निष्कर्ष विहीन भएको हो ।

आज बिहान सिंहदरबारमा शिक्षकहरूले उपप्रधान एवं गृहमन्त्री नारायणकाजी श्रेष्ठसँग छलफल गरेका थिए । यससँगै शिक्षकहरूको आज पनि प्रदर्शन गर्ने भएका छन् । आज शिक्षकहरूले बानेश्वरबाट माइतीघरसम्म प्रदर्शन गर्ने भएका छन् । संसद्मा दर्ता भएको शिक्षा विधेयकमा महासङ्घले विभिन्न १८ बुँदे असहमति प्रकट गरेको छ ।

जसमा सरुवा बढुवा, दरबन्दी, स्थानीय पालिका अन्तर्गत नबस्ने सहितका माग छन् । सो माग पूरा नभएसम्म आन्दोलन नरोकिने महासङ्घले चेतावनी दिएको छ । वार्तामा शिक्षा मन्त्रीको समेत सहभागिता रहेको थियो । छलफलमा सहमति नभएपछि गृहमन्त्री श्रेष्ठले शान्ति सुरक्षा कायम गरेर अघि बढ्न आग्रह गरेका थिए ।

प्रकाशित मिति: बिहीबार, असोज ४, २०८० ११:३४