"विमानस्थलबाट दिनहुँ विदेशिनेको भिड देख्दा आँखा रसाउँछ"

राजनीति

गृहपृष्ठ
राजनीति
"विमानस्थलबाट दिनहुँ विदेशिनेको भिड देख्दा आँखा रसाउँछ"

"विमानस्थलबाट दिनहुँ विदेशिनेको भिड देख्दा आँखा रसाउँछ"

शुक्रबार, असोज ५, २०८० बागेश्वरी पोस्ट

काठमाडौं । उत्तर र दक्षिणका दुई छिमेकी मुलुकहरू आर्थिक विकासमा अग्रसर भइरहेको बेला राज्यका निकाय तथा संस्था खस्कँदो अवस्थामा गइरहेको नेपाली कांग्रेसका युवा नेता केन्द्रीय सदस्य अजयबाबु शिवाकोटीले बताएका छन् ।

शुक्रवार केन्द्रीय कार्यसमितिको दोस्रो दिनको बैठकमा बोल्दै शिवाकोटीले नेतृत्वप्रतिको आशा निराशामा परिवर्तन भएको बताएका हुन् ।

उनले देशको त्रिभुवन अन्तर्राष्ट्रिय विमानस्थलमा विदेशीनेको भिड दिन दिनै देख्दा आँखा रसाउने गरेको बताए । उनले यसरी पछिल्लो ३० वर्ष पटक पटक अवसर पाएर पनि 'नेतृत्व तहको अग्रजहरूलाई देश त हामीले बनाएकै रहेछौ नि भन्ने लाग्दैन ?' भनी सभापति शेरबहादुर देउवालाई प्रश्न गरेका छन् ।

उनले कार्यसमितिको बैठकमा भनेका छन् , 'उत्तर र दक्षिणका दुई छिमेकी मुलुकहरू आर्थिक विकासमा अग्रसर भइरहेको बेला हामी जुन मनोविज्ञानका साथ अघि बढेका छौं । आज हरेक राज्यका निकाय तथा संस्था खस्कँदो अवस्थामा छ । नेतृत्वप्रतिको आशा निराशामा परिवर्तन भएको छ ।

आज हरेका नागरिक आफ्ना छोराछोरी कहिले १२ कक्षा पाश गर्लान् र विदेश पढाउला भनेर सपना मात्र देखेका छैनन्, आफूलाई दाउमा पनि राखेका छन् । विद्यार्थी विदेशमा, शिक्षक सडकमा, मजदुरी गर्ने मलेसिया र मध्य पूर्वका खाडी राष्ट्रहरूमा गएको भिड देख्दा हरेक दिन आँखाहरु रसाएका छन् ।

विमानस्थलको भिड दिनदिनै देख्दा पछिल्लो ३० वर्ष पटक पटक अवसर पाएर पनि तपाईं नेतृत्व तहको अग्रजहरूलाई देश त हामीले बनाएकै रहेछौं नि भन्ने लाग्दैन ?'

उनले पार्टी सञ्चालन पद्धतिलाई नयाँ सिराबाट शुरु गर्नुपर्ने बताए । उनले भातृ सङ्गठनमा पदाधिकारी मनोनयन पारदर्शी हुनुपर्ने बताए ।

प्रकाशित मिति: शुक्रबार, असोज ५, २०८० १३:५१