लुम्बिनीका मुख्यमन्त्री चौधरीले राजीनामा दिए

राजनीति

गृहपृष्ठ
राजनीति
लुम्बिनीका मुख्यमन्त्री चौधरीले राजीनामा दिए

लुम्बिनीका मुख्यमन्त्री चौधरीले राजीनामा दिए

बिहीबार, चैत २२, २०८० बागेश्वरी पोस्ट

दाङ । लुम्बिनी प्रदेशका मुख्यमन्त्री डिल्लीबहादुर चौधरीले पदबाट राजीनामा दिएका छन् ।

नयाँ सत्तासमीकरण बनेपछि नेकपा माओवादी केन्द्रले लुम्बिनी सरकारलाई दिएको समर्थन फिर्ता गरेसँगै अल्पमतमा परेका मुख्यमन्त्री चौधरीले विश्वासको मत नपाउने हुँदा आज राजीनामा दिएका हुन् ।

आज विश्वासको मत लिने भनेर प्रदेशसभा बोलाएका मुख्यमन्त्रीले विश्वासको मत नपाउने भएपछि पदबाट राजीनामा दिएका हुन् ।

यसअघि ८७ सांसद रहेको लुम्बिनी प्रदेशसभामा राष्ट्रिय प्रजातन्त्र पार्टी (राप्रपा ) एक सांसद निलम्बनमा पर्दा अहिले लुम्बिनीमा ८६ सांसद छन् । चौधरीले विश्वासको मत प्राप्त गर्न ४४ सांसदको समर्थन आबश्यक छ ।

तर अब एमालेसहितका दलहरुले माओवादी केन्द्रका जोखबहादुर महरालाई मुख्यमन्त्रीमा समर्थन गरिसकेका छन् । पाँच दलबीच सत्ता समीकरणका लागि सहमति भइसकेको छ ।

प्रकाशित मिति: बिहीबार, चैत २२, २०८० १७:३०