आदर्श मावि जुनियर रेडक्रस सर्कलद्वारा ट्यांग पानी वितरण

शिक्षा

गृहपृष्ठ
शिक्षा
आदर्श मावि जुनियर रेडक्रस सर्कलद्वारा ट्यांग पानी वितरण

आदर्श मावि जुनियर रेडक्रस सर्कलद्वारा ट्यांग पानी वितरण

मंगलबार, असार ४, २०८१ बागेश्वरी पोस्ट

नेपालगन्ज । नेपालगन्ज-१० स्थित आदर्श माध्यमिक विद्यालयले आज भेरी अस्पताल अगाडि सर्वसाधारणलाई ट्यांग पानी वितरण गरेको छ । विद्यालयद्वारा गठित जुनियर रेडक्रस सर्कलको आयोजनामा ट्यांग पानी वितरण गरेको हो ।

नेपालगन्जमा बढ्दो उच्च गर्मी र तातो हावाको लहर (लु) लाई मध्यनजर गर्दै सर्वसाधारणको राहतका लागि ट्यांग पानी वितरण गरिएको विद्यालयका सहायक प्राचार्य टंक प्रसाद गौतमले बताए । विहान १० बजेदेखि मध्यान्ह १२ बजेसम्म गरिएको वितरण कार्यक्रममा एक हजार जनाले ट्यांग पानी खाएको गौतमले जानकारी दिए ।

आदर्श माध्यमिक विद्यालय जुनियर रेडक्रस सर्कलले बेला-बेला विभिन्न सामाजिक एवम् मानवीय कार्य गर्दै आएको छ ।

प्रकाशित मिति: मंगलबार, असार ४, २०८१ १६:५७

प्रतिक्रिया दिनुहोस्