नेपालगञ्जमा बृहत्तर विद्यालय सुरक्षा योजना सम्बन्धि अन्तरक्रिया

शिक्षा

गृहपृष्ठ
शिक्षा
नेपालगञ्जमा बृहत्तर विद्यालय सुरक्षा योजना सम्बन्धि अन्तरक्रिया

नेपालगञ्जमा बृहत्तर विद्यालय सुरक्षा योजना सम्बन्धि अन्तरक्रिया

शुक्रबार, असार ७, २०८१ गौरब गिरी

नेपालगञ्ज । नेपालगञ्जका विद्यालयलाई भूकम्पीय जोखिमरहित बनाउन बृहत्तर विद्यालय सुरक्षा योेजनाका विषयमा छलफल गरिएको छ । नेपालगञ्ज उपमहानगरपालिकामा सञ्चालित सहरी विपद तथा भूकम्पीय पूर्व तयारी परियोजना (सुपर को आयोजनामा बृहत्तर विद्यालय सुरक्षा योजना सम्बन्धि अन्तरक्रिया कार्यक्रम गरिएको हो ।

कार्यक्रममा नेपालगञ्ज उपमहानगरपालिका शिक्षा महाशाखा प्रमुख गोर्खबहादुर थापाले विद्यालय सुरक्षा योजनाका बारेमा प्रस्तुतिकरण गरेका थिए । अन्तरक्रिया कार्यक्रममा भूकम्प लगायत अन्य विपदजन्य जोखिमबाट विद्यालयलाई सुरक्षित राख्दै भयरहित शिक्षण सिकाईमा जोड दिइएको छ । वडा नम्बर ३, ७, ८ र ११ का विद्यालयका प्रतिनिधि, वडा अध्यक्ष, वडा सचिव लगायत सहभागी अन्तरक्रिया कार्यक्रममा भूकम्पमैत्री संरचना निर्माणदेखि खुला ठाउँको पहिचानसंगै बृहत्तर विद्यालय सुरक्षा योजनाका विषयमा ब्यापक छलफल भएको आपतकालीन कार्यसञ्चालन केन्द्रका सूचना व्यवस्थापन अधिकृत रुपन ज्ञवालीले बताए । नेपालगञ्ज उपमहानगरपालिका विपद तथा वातावरण समिति संयोजक समिर प्रताप सिंहले विद्यालयलाई भूकम्पीय जोखिमरहित बनाउन आवश्यक रहेको बताए । वडा नम्बर ११ का वडा अध्यक्ष नन्द किशोर कश्यपले विपद जतिबेला पनि आउन सक्ने भन्दै पूर्व तयारी र सचेतनामा जोड दिए । युनिसेफका नरेश निदालले पुराना संरचनालाई भूकम्प प्रतिरोधी बनाउन रेट्रोफिटिङ गर्न सकिनेमा जोड दिए ।

युरोपियन युनियनको आर्थिक सहयोग तथा युएनडिपी, युनिसेफ र युएन ओमनको साझेदारी तथा नेपाल रेडक्रस सोसाइटी बाँके शाखाको प्राविधिक सहयोगमा नेपालगञ्ज उपमहानगरपालिकामा सुपरले भूकम्पीय जोखिम न्यूनीकरणका लागि काम गरिरहेको छ ।

प्रकाशित मिति: शुक्रबार, असार ७, २०८१ २०:१८

प्रतिक्रिया दिनुहोस्