महिला संघ बाँकेद्वारा मंगल प्रसाद महिला कलेजमा बृक्षारोपण

राजनीति

गृहपृष्ठ
राजनीति
महिला संघ बाँकेद्वारा मंगल प्रसाद महिला कलेजमा बृक्षारोपण

महिला संघ बाँकेद्वारा मंगल प्रसाद महिला कलेजमा बृक्षारोपण

बिहीबार, साउन २४, २०८१ बागेश्वरी पोस्ट

नेपालगञ्ज । नेपाल महिला संघको ७६औं स्थापना दिवसको अवसरमा नेपालगञ्जमा आज बृक्षारोपण गरिएको छ । नेपाल महिला संघ बाँकेको आयोजनामा बृक्षारोपण कार्यक्रम गरिएको हो ।

संघकी कार्यवहाक अध्यक्ष उमा थापाको सभापतित्व एवम् नेपाली कांग्रेस बाँकेका सभापति नारायण प्रसाद गौडलको प्रमुख आतिथ्यतामा बृक्षारोपण कार्यक्रम सम्पन्न भएको हो । मंगल प्रसाद महिला कलेज प्रांगणमा गरिएको बृक्षारोपण कार्यक्रमलाई सम्बोधन गर्दै पार्टी सभापति गौडेलले पार्टीका भ्रातृ तथा शुभेच्छुक संगठनलाई क्रियाशील र चलायमान बनाउने गरी विभिन्न गतिविधिहरु सञ्चालन गर्न निर्देशन दिए । महिला संघले बृक्षारोपण कार्यक्रम आयोजना गरेर निकै राम्रो काम गरेको भन्दै उनले भ्रातृ तथा शुभेच्छुक संगठनलाई संगठन विस्तार र सुदृढीकरणसंगै सामाजिक उत्तरदायित्व र नागरिक सरोकारसंग सम्बन्धित विषयहरुमा ध्यान केन्द्रित गर्न आग्रह पनि गरे ।

May be an image of 4 people

कार्यक्रममा कांग्रेस लुम्बिनी प्रदेश सदस्य कृष्ण कुमारी सापकोटा (चौधरी), महिला संघकी केन्द्रीय सदस्य भारती जोशी, लुम्बिनी प्रदेश सदस्यहरु माया पुन, सञ्जु चौधरी र सुशिला नेपाली (बादी), कांग्रेस जिल्ला सहसचिव रेनु सिंह ठाकुर, जिल्ला समन्वय समिति उपसंयोजक सीता कार्की लगायत महिला नेतृहरुको उपस्थिति थियो ।

May be an image of 3 people and grass