जुनोटिक रोगका बारेमा सचेतना जगाउन नेपालगञ्जमा अभिमुखीकरण

स्वास्थ्य

गृहपृष्ठ
स्वास्थ्य
जुनोटिक रोगका बारेमा सचेतना जगाउन नेपालगञ्जमा अभिमुखीकरण

जुनोटिक रोगका बारेमा सचेतना जगाउन नेपालगञ्जमा अभिमुखीकरण

आइतबार, कात्तिक २५, २०८१ बागेश्वरी पोस्ट

नेपालगञ्ज । पशुहरुबाट मानिसमा तथा मानिसबाट पशुमा सर्ने जुनोटिक रोगहरुका बारेमा सचेतना जगाउन नेपालगञ्जमा अभिमुखीकरण गरिएको छ । पशु सेवा शाखाले पशु प्राविधिक, कृषक र सरोकारवालालाई सचेत बनाउन आज अभिमुखीकरण गरेको हो ।

पशु प्राविधिक, कृषक र सरोकारवाला गरी ४० जनालाई अभिमुखीकरण गरिएको छ । पशुबाट मानिसमा सर्ने रेबिज, ब्रुसेलोसिस, बर्डफ्लु, टिबी लगायतका रोगहरुका बारेमा जानकारी गराउन उद्देश्यले अभिमुखीकरण गरिएको पशु सेवा शाखा प्रमुख लक्ष्मी शाहीले बताइन् । सचेतना प्रबद्र्धन गर्न अभिमुखीकरण गरिएको शाहीको भनाई छ ।

May be an image of 2 people, people studying, childrens toy, dais and text

पशु प्रजनन कार्यालय गौघाट बाँकेका पशु विकास अधिकृत डा. मिलनकुमार चौधरीले जिनोटिक रोहरुको जोखिम र नियन्त्रणबारे सहजीकरण गर्दै जानकारी गराएका छन् । डा. चौधरीले रेबिज रोग ९५ प्रतिशत कुकुरको टोकाईबाट मानिसमा सर्ने भएकाले घरपालुवा तथा सामुदायिक कुकुरहरुको भ्याक्सिनेशन र बन्ध्याकरणमा ध्यान दिन जरुरी रहेको बताए । नेपाल सरकारको सन् २०३० सम्म रेबिज उन्मूलन गर्ने प्रतिबद्धता अनुसार काम गर्नुपर्ने उनको भनाई छ । नेपालगन्ज उपमहानगरपालिकाले रेविज नियन्त्रणका लागि प्रत्येक वर्ष सामुदायिक कुकुरको भ्याक्सिनेशन र बन्ध्याकरण गर्दै आएको पशु स्वास्थ्य प्राविधिक अच्युत गौतमले बताए ।

यस्तै ब्रुसेलोसिस रोगले पुरुषहरुमा नपुंशकता बढाउने तथा पशुहरुमा गर्भ तुहिने तथा साल अड्किने समस्या ल्याउने उनले बताए । डा. चौधरीका अनुसार पशु प्राविधिकहरु यो रोगको उच्च जोखिममा छन् ।

May be an image of 7 people, people studying, childrens toy and text