बाल विकास शिक्षकहरुका लागि क्षमता विकास तालिम

शिक्षा

गृहपृष्ठ
शिक्षा
बाल विकास शिक्षकहरुका लागि क्षमता विकास तालिम

बाल विकास शिक्षकहरुका लागि क्षमता विकास तालिम

मंगलबार, मंसिर ११, २०८१ बागेश्वरी पोस्ट

नेपालगञ्ज । जानकी गाउँपालिकामा बाल विकास शिक्षकहरुका लागि क्षमता विकास तालिम सुरु भएको छ । जानकी गाउँपालिका शिक्षा, युवा तथा खेलकुद शाखाको आयोजनामा आजदेखि तीन दिने बाल विकास शिक्षकहरुका लागि क्षमता विकास तालिम सुरु भएको हो ।

तालिमको उद्घाटन सत्रमा शिक्षा, युवा तथा खेलकुद शाखाकी प्रमुख कृष्णा कुमारी भण्डारीले विद्यालय शिक्षाको आधार स्तम्भको रुपमा रहेको प्रारम्भिक बाल विकास शिक्षालाई प्रभावकारी ढँगबाट अगाडि बढाई गुणस्तरीय शिक्षाको विकास गर्न जानकी गाउँपालिका अन्तर्गत सञ्चालित सबै सामुदायिक विद्यालयका बाल विकास शिक्षकहरुको पेशागत क्षमता विकास गर्ने उद्देश्यले तालिमको आयोजना गरिएको बताइन् । उनले प्रारम्भिक बाल विकास शिक्षकहरुको पाठ्यक्रम, शिक्षा ऐन नियमसँग सम्वन्धित विषयवस्तुका साथै नमुना शिक्षण लगायतका विषयमा तालिम केन्द्रित रहने जानकारी दिइन् ।

May be an image of 4 people, table and dais

तालिमको उद्घाटन सत्रमा जानकी गाउँपालिकाका अध्यक्ष छब्बन खाँ, प्रमुख प्रशासकीय अधिकृत सुनिल नेपाली, सामाजिक विकास समितिका संयोजक रामआचल धोवी, शिक्षा, युवा तथा खेलकुद शाखाकी झुमा वली र ४३ जना बाल विकास शिक्षकहरु सहभागी भएका थिए । सिटिएफका वरिष्ट प्रशिक्षक हिरा केसीले प्रशिक्षण दिएकी छिन् ।

May be an image of 8 people, people studying, dais and text