प्याब्सन बाँकेद्वारा पत्रकार महासंघका नवनिर्वाचित पदाधिकारीलाई बधाई ज्ञापन

शिक्षा

गृहपृष्ठ
शिक्षा
प्याब्सन बाँकेद्वारा पत्रकार महासंघका नवनिर्वाचित पदाधिकारीलाई बधाई ज्ञापन

प्याब्सन बाँकेद्वारा पत्रकार महासंघका नवनिर्वाचित पदाधिकारीलाई बधाई ज्ञापन

बुधबार, पुस ३, २०८१ बागेश्वरी पोस्ट

नेपालगञ्ज । निजी तथा आवासीय विद्यालय अर्गनाइजेशन (प्याब्सन) बाँकेले नेपाल पत्रकार महासंघ लुम्बिनी प्रदेश तथा बाँके जिल्लामा नवनिर्वाचित कार्यसमितिलाई बधाई ज्ञापन गर्दै सफलता कार्यकालको शुभकामना दिएको छ । राँझास्थित प्याब्सन कार्यालयमा आज आयोजित एक कार्यक्रमका बीच बाँकेबाट प्रदेश समितिमा निर्वाचित पदाधिकारी र बाँके जिल्ला कार्यसमितिका पदाधिकारी र सदस्यलाई बधाई ज्ञापन गरिएको हो ।

May be an image of 12 people, people studying and text

प्याब्सन बाँकेका अध्यक्ष यम बहादुर रावतको अध्यक्षता एवम् प्याब्सन केन्द्रिय समितिका प्राज्ञिक सल्लाहकार डा. राजेशकेशर खनालको प्रमुख आतिथ्यतामा भएको कार्यक्रममा लुम्बिनी प्रदेश अध्यक्ष शुक्रऋषि चौलागाई तथा बाँके अध्यक्ष नवीन गिरी लगायत नवनिर्वाचित कार्यसमितिलाई अबिर र खादा लगाएर बधाई ज्ञापन गरिएको थियो ।

कार्यक्रममा बोल्दै प्याब्सनका प्राज्ञिक सल्लाहकार डा. खनाल र जिल्ला अध्यक्ष रावतले नवनिर्वाचित पदाधिकारीलाई बधाई दिँदै सफल कार्यकालको शुभकामना ब्यक्त गरे । नवनिर्वाचित अध्यक्षद्वय चौलागाई र गिरीले सहकार्यात्मक यात्राका लागि प्रतिबद्धता ब्यक्त गरे । कार्यक्रममा प्याब्सनका सल्लाहकारहरु केशर बहादुर आले, विद्यामान राजभण्डारी, दिनेश सिग्देल लगायतको उपस्थिति थियो ।

May be an image of 3 people, dais and text