कोहलपुरमा भोलिदेखि नेपाल शिक्षक संघको राष्ट्रिय भेला तथा प्रशिक्षण

शिक्षा

गृहपृष्ठ
शिक्षा
कोहलपुरमा भोलिदेखि नेपाल शिक्षक संघको राष्ट्रिय भेला तथा प्रशिक्षण

कोहलपुरमा भोलिदेखि नेपाल शिक्षक संघको राष्ट्रिय भेला तथा प्रशिक्षण

शुक्रबार, पुस १२, २०८१ बागेश्वरी पोस्ट

नेपालगञ्ज । बाँकेको कोहलपुरमा आयोजना गरिएको नेपाल शिक्षक संघको राष्ट्रिय भेला तथा प्रशिक्षण कार्यक्रमको सम्पूर्ण तयारी पूरा भएको छ । नेपाल शिक्षक संघ संघीय कार्यसमितिको आयोजना तथा नेपाल शिक्षक संघ बाँकेको आतिथ्यतामा भोलिदेखि कोहलपुर उद्योग बाणिज्य संघको सभाहलमा भेला तथा प्रशिक्षण कार्यक्रमको आयोजना गरिएको संघका बाँके अध्यक्ष ऋषि शर्माले जानकारी दिए ।

उनका अनुसार भेला तथा प्रशिक्षणमा ७७ वटै जिल्लाका सचिव–अर्थ तथा प्रदेश महासचिवहरुको सहभागिता रहनेछ । दुई दिने भेला तथा प्रशिक्षणमा नेतृत्व विकास, लेखा व्यवस्थापन, विद्यालय सुशासन, शैक्षिक गुणस्तर, प्रस्तावित शिक्षा विधेयक लगायतका शैक्षिक मुद्दाका विभिन्न विषयवस्तुमा केन्द्रित रहेर मन्थन गरिने पनि अध्यक्ष शर्माले बताए । ‘करिब २ सय ५० जना संघ आवद्ध शिक्षक नेताहरु सहभागी हुने भेला तथा प्रशिक्षणमा शिक्षाका विभिन्न मुद्दाहरुमा मिहिन ढंगबाट मन्थन गरिने छ,' उनले भने–‘संघको भावी कार्यादेश समेत यो भेलाले तय गर्नेछ ।’

आइतबारसम्म चल्ने भेला तथा प्रशिक्षणको नेपाल शिक्षक संघका केन्द्रीय अध्यक्ष सोमनाथ गिरीले उद्घाटन गर्ने कार्यक्रम तय भएको छ । कार्यक्रममा सहभागी हुन देशभरीका संघ आवद्ध शिक्षक नेताहरु कोहलपुरमा आउने क्रम सुरु भएको पनि अध्यक्ष शर्माले जानकारी दिए ।

प्रकाशित मिति: शुक्रबार, पुस १२, २०८१ २०:०१

प्रतिक्रिया दिनुहोस्