प्याब्सन बाँकेले भोलि ३४औं स्थापना दिवस मनाउँदै, शिक्षक सम्मान पनि गरिने

शिक्षा

गृहपृष्ठ
शिक्षा
प्याब्सन बाँकेले भोलि ३४औं स्थापना दिवस मनाउँदै, शिक्षक सम्मान पनि गरिने

प्याब्सन बाँकेले भोलि ३४औं स्थापना दिवस मनाउँदै, शिक्षक सम्मान पनि गरिने

मंगलबार, पुस २३, २०८१ बागेश्वरी पोस्ट

नेपालगञ्ज । निजी तथा आवासीय विद्यालय अर्गनाइजेशन (प्याब्सन) बाँकेले भोलि बुधबार प्याब्सनको ३४औं स्थापना दिवस मनाउँदैछ । जेनिथ इंग्लिश सेकेण्डरी बोर्डिंग स्कुल खजुरामा स्थापना दिवसका अवसरमा भब्य कार्यक्रम गर्न लागिएको जिल्ला अध्यक्ष विकास बज्राचार्यले बताए । स्थापना दिवसमा शिक्षक सम्मान कार्यक्रम पनि राखिएको छ । प्याब्सनले पठनपाठन बन्द गरी सम्पूर्ण शिक्षक कर्मचारीहरुलाई स्कुल पोशाकसहित कार्यक्रममा उपस्थित हुन आह्वान गरेको छ ।

औपचारिक कार्यक्रम पूर्व खजुरामा प्रभातफेरि पनि निकालिँदैछ । अध्यक्ष बज्राचार्यका अनुसार नेपालगञ्ज उपमहानगरपालिकाका विद्यालयहरु खजुरा बजार पूर्वबाट र अन्य पालिकाका विद्यालयहरु पश्चिम (इलाका प्रहरी कार्यालय धनौली चोक) बाट प्रभातफेरिमा सहभागी हुनेछन् । स्थापना दिवस कार्यक्रममा लुम्बिनी प्रदेशका सामाजिक विकास मन्त्री जन्यजय तिमिल्सिना प्रमुख अतिथिका रुपमा निम्त्याइएका छन् । अतिथिका रुपमा प्रदेशसभा सदस्य बादशाह कुर्मीलाई पनि आमन्त्रण गरिएको छ । त्यस्तै ८ वटै पालिका प्रमुख, शिक्षा शाखा प्रमुख, शिक्षा विकास समन्वय इकाई प्रमुख लगायत विभिन्न पेशागत संघसंगठनका अध्यक्ष तथा प्रमुखहरुलाई अतिथिका रुपमा बोलाइएको बज्राचार्यले बताए ।

प्रकाशित मिति: मंगलबार, पुस २३, २०८१ १८:३२

प्रतिक्रिया दिनुहोस्