प्याब्सनको ३४औं स्थापना दिवसमा तीन जना पत्रकार पुरस्कृत

शिक्षा

गृहपृष्ठ
शिक्षा
प्याब्सनको ३४औं स्थापना दिवसमा तीन जना पत्रकार पुरस्कृत

प्याब्सनको ३४औं स्थापना दिवसमा तीन जना पत्रकार पुरस्कृत

बुधबार, पुस २४, २०८१ बागेश्वरी पोस्ट

नेपालगञ्ज । कोहलपुर नगर प्याब्सनले प्याब्सनको ३४औं स्थापना दिवसका अवसरमा तीन जना पत्रकारलाई नगद पुरस्कारसहित सम्मान गरेको छ । आज विहान आयोजित एक कार्यक्रमका बीच 'स्व. हरि प्रसाद रावत स्मृति प्याब्सन शिक्षा पत्रकारिता पुरस्कार' बाट कोहलपुरका पत्रकारहरु निर्मल आचार्य, प्रदिप वाग्ले र प्रमोद रिजाललाई पुरस्कृत गरिएको हो । तीन जनालाई प्रमाणपत्र र जनही नगद ८ हजार ५ सय रुपैयाँसहित पुरस्कृत गरिएको हो । आचार्य कोहलपुर एफएम, वाग्ले सद्भाव दैनिक र रिजाल न्युज मानसरोबर डटकममा कार्यरत छन् ।

प्याब्सन कोहलपुरका संस्थापक अध्यक्ष तथा प्याब्सन बाँकेका निवर्तमान अध्यक्ष यम बहादुर रावतले आफ्ना बुवाको सम्झनामा उक्त पुरस्कार स्थापना गरेका छन् । स्वर्गीय रावतले कोहलपुरको एक मात्र बागेश्वरी पब्लिक क्याम्पस र त्रिभुवन माध्यमिक विद्यालयको स्थापनामा महत्वपूर्ण योगदान गरेका थिए । रावतले अब अर्को बर्षदेखि शिक्षा पत्रकारिता गर्ने एक जनालाई रु.२५ हजारसहित पुरस्कृत गरिने बताए ।

May be an image of 3 people, dais and text

प्याब्सन कोहलपुरले स्थापना दिवसकै अवसरमा कोहलपुर नगरपालिकाका संस्थापक नगर प्रमुख एवम् संस्थापक नगर शिक्षा प्रमुख लुट बहादुर रावत, कोहलपुर क्षेत्रको पहिलो निजी विद्यालय रामजानकीका संस्थापक नारायणप्रसाद सिग्देल र क्रिकेटका पूर्व राष्ट्रिय कप्तान एलबी क्षेत्रीसहित कोहलपुर क्षेत्रका राष्ट्रिय तथा अन्तर्राष्ट्रिय ८ जना खेलाडीलाई पनि सम्मान गरेको छ । कोहलपुर शबदाह गृह निर्माणका लागि पनि प्याब्सन कोहलपुरले ५० हजार रुपैयाँ प्रदान गरेको नगर अध्यक्ष रमेश केसीले बताए ।

प्रकाशित मिति: बुधबार, पुस २४, २०८१ १८:१५

प्रतिक्रिया दिनुहोस्