भीमदत्त कांग्रेस नगर सभापति मृत भेटिए

राजनीति

गृहपृष्ठ
राजनीति
भीमदत्त कांग्रेस नगर सभापति मृत भेटिए

भीमदत्त कांग्रेस नगर सभापति मृत भेटिए

शनिबार, माघ १९, २०८१ बागेश्वरी पोस्ट

महेन्द्रनगर । नेपाली कांग्रेसका नगर सभापति अच्युत कलौनी मृत अवस्थामा फेला परेका छन् । कञ्चनपुरस्थित भीमदत्त नगरपालिकाका कांग्रेस नगर सभापति अच्युत आज बिहान मृत फेला परेको जिल्ला प्रहरी कार्यालय कञ्चनपुरले जानकारी दिएको छ ।

कञ्चनपुर प्रहरीका अनुसार सभापति अच्युतको मृत शव भीमदत्त नगरपालिका-१८ स्थित मामाभान्जा चोक नजिक फेला परेको हो ।

प्रहरीले घटनास्थलमा धनगढीबाट तालिमप्राप्त कुकुर झिकाएको जनाएको छ भने कञ्चनपुर प्रहरीले घटनास्थल सिल गरेको छ ।

कञ्चनपुर प्रहरीले दिएको जानकारी अनुसार सभापति अच्युत घोप्टो परेको अवस्थामा मृत फेल परे पनि उनको शरीरमा चोटपटक देखिएको छैन ।

प्रहरीले धनगढीबाट तालिम प्राप्त कुकुर आइपुगेपछि मात्रै थप अनुसन्धान अगाडि बढाउने जनाएको छ ।

प्रकाशित मिति: शनिबार, माघ १९, २०८१ १०:१७

प्रतिक्रिया दिनुहोस्