आदर्श माध्यमिक विद्यालयले मनायो २५औं बार्षिकोत्सब

शिक्षा

गृहपृष्ठ
शिक्षा
आदर्श माध्यमिक विद्यालयले मनायो २५औं बार्षिकोत्सब

आदर्श माध्यमिक विद्यालयले मनायो २५औं बार्षिकोत्सब

शनिबार, फागुन १०, २०८१ बागेश्वरी पोस्ट

नेपालगञ्ज । नेपालगञ्ज-१० सुर्खेतरोडस्थित आदर्श माध्यमिक विद्यालयले आफ्नो २५औं बार्षिकोत्सब मनाएको छ । विद्यालय प्रांगणमा शनिवार एक कार्यक्रमको आयोजना गरेर बार्षिकोत्सब मनाइएको हो । विद्यालयका संस्थापक एवम् विद्यालय सञ्चालक समितिका अध्यक्ष सञ्जय थापाको अध्यक्षता तथा राष्ट्रिय परीक्षा बोर्ड कोहलपुरका प्रमुख लक्ष्मी प्रसाद अधिकारीको प्रमुख आतिथ्यतामा बार्षिकोत्सब समारोह सम्पन्न भएको हो ।

May be an image of 7 people and dais

त्यसक्रममा बोल्दै राष्ट्रिय परीक्षा बोर्ड कोहलपुरका प्रमुख अधिकारीले आदर्श मावि उत्कृष्ट विद्यालयको रुपमा दर्ज भएको बताउँदै विद्यार्थीलाई ब्यबहारिक ज्ञानसंगै सिर्जनशिलता बृद्धि हुने गरी पठनपाठनमा जोड दिन आग्रह गरे । उनले मानव सभ्यताको विकास क्रममा शिक्षाको नै अहम् भूमिका हुने भन्दै विद्यालयले दिने शिक्षा र संस्कारले विद्यार्थीको भविष्य निर्धारण हुने उल्लेख गरे । उनले विद्यालयमा आफ्ना बालबच्चालाई भर्ना गरेर मात्र अभिभावकको दायित्व पूरा नहुने भन्दै आफ्ना बालबच्चा र विद्यालयका शिक्षण क्रियाकलापप्रति चासो राख्न आग्रह गरे ।

विद्यालयका संस्थापक एवम् एकेडेमिक एडभाइजर प्रकाश लामिछानेले गुणस्तरीय शिक्षा प्रदान गर्दै विद्यालयलाई सधैं उत्कृष्ट स्थानमा राख्न दत्तचित्त भएर लागेको बताए । उनले किताबी ज्ञान मात्र नभएर अतिरिक्त क्रियाकलापसंगै जीवनोपयोगी शिक्षा र सीपमा पनि विद्यार्थीहरुलाई अग्रसर गराइरहेको बताए । कार्यक्रमको समापन गर्दै अध्यक्ष थापाले आदर्श अभिभावकहरुको पहिलो रोजाई बनेको बताए । विद्यार्थी र अभिभावकहरुको चाहना अनुसार विद्यालय अघि बढिरहेको उल्लेख गर्दै उनले गुणस्तरीय र व्यहारिक शिक्षा प्रदान गर्ने कुरामा कुनै कम्प्रमाइज नहुने स्पष्ट पारे ।

May be an image of 7 people and dais

स्वागत मन्तब्य व्यक्त गर्दै विद्यालयका प्राचार्य महेश्वर जोशीले एसईईपछिको पढाईमा पनि आदर्श अब्बल सावित भइसकेकाले ढुक्क भएर आफ्ना बालबालिकालाई आदर्शमै पढाउन आग्रह गरे । विद्यालयका सह–प्राचार्य टंक गौतमले सञ्चालन गरेको कार्यक्रममा प्याब्सन बाँकेका अध्यक्ष विकास बज्राचार्य, अभिभावक, विद्यार्थी लगायतले बोलेका थिए । त्यस क्रममा विभिन्न विधा एवम् क्रियाकलापहरुमा उत्कृष्ट भएका विद्यार्थीहरुलाई पुरस्कार प्रदान गरिएको थियो ।

कार्यक्रममा विभिन्न कक्षाका विद्यार्थीहरुले सामूहिक नृत्य, सांस्कृतिक नृत्य पनि प्रस्तुत गरेका थिए । त्यस अवसरमा विद्यालय प्रांगणमा विभिन्न फुड स्टलहरु पनि राखिएको थियो । वार्षिकोत्सबका अवसरमा विद्यालय प्रांगणमा रक्तदान कार्यक्रम पनि गरिएको सह–प्राचार्य गौतमले बताए । ४० जनाले रक्तदान गरेका थिए । २०७२ सालको भूकम्पमा परी ज्यान गुमाएकी मेधाबी छात्रा अनुराधा अधिकारीको स्मृतिमा स्थापित अनुराधा स्मृति पुरस्कार २०८० सालको उत्कृष्ट एसईई छात्राद्वय खुशी डाँगी र कृति चौलागाईलाई प्रदान गरिएको छ ।

May be an image of 2 people and text May be an image of dais and text that says 'ADARSH MADHYAMIK VIDHYALAYA INTEGRATED 25th ANNIAL ိငမေ co/Singing Singing'