किड्स किंगडम नेपालगञ्जले मनायो आठौं बार्षिकोत्सब

शिक्षा

गृहपृष्ठ
शिक्षा
किड्स किंगडम नेपालगञ्जले मनायो आठौं बार्षिकोत्सब

किड्स किंगडम नेपालगञ्जले मनायो आठौं बार्षिकोत्सब

मंगलबार, फागुन १३, २०८१ बागेश्वरी पोस्ट

नेपालगञ्ज । किड्स किंगडम नेपालगञ्जले आफ्नो आठौं बार्षिकोत्सब मनाएको छ । नेपालगञ्ज ४ कारकाँदोस्थित विद्यालय प्रांगणमा आज एक विशेष कार्यक्रम गरी आठौं बार्षिकोत्सब मनाइएको हो । किड्स किंगडमका अध्यक्ष माधव प्रसाद अधिकारीको सभापतित्व एवम् नेपालगञ्ज उपमहानगरपालिका वडा नम्बर ४ का वडा अध्यक्ष गोपाल पुनको प्रमुख आतिथ्यतामा बार्षिकोत्सब समारोहको उद्घाटन सत्र सम्पन्न भएको थियो ।

May be an image of one or more people, dais and text

कार्यक्रममा शुभकामना मन्तब्य ब्यक्त गर्दै उपस्थित अतिथिहरुले ससाना बालबालिकाहरुलाई किड्स किंगडमले गुणस्तरीय शिक्षा प्रदान गरिरहेको उल्लेख गर्दै सिर्जनशीलता विकास तथा संंस्कार सिकाईमा पनि विद्यालयले अग्रणी भूमिका खेलिरहेको चर्चा गरे । वडा अध्यक्ष पुनले सैद्धान्तिक सिकाईसंगै ब्यवहारिक र बैज्ञानिक शिक्षण अति जरुरी रहेको भन्दै जीवनोपयोगी सीप विकासका लागि पनि ध्यान दिनुपर्नेमा जोड दिए । उनले विद्यालय शिक्षाको प्रारम्भिक समय अत्यन्तै महत्वपूर्ण हुने भएकाले किड्स किंगडमले शिक्षाको जग निर्माणमा अहम् भूमिका खेलिरहेको चर्चा गरे । कार्यक्रममा विद्यालयका सिइओ डा. राजकुमार सुवेदी, प्रिन्सिपल प्रकृति पाण्डे, अभिभावकहरु डा. राजन पाण्डे, विष्णु श्रेष्ठ लगायतले बोलेका थिए । बार्षिकोत्सब समारोहमा विद्यार्थीहरुले नृत्य, गायन, नाटक लगायत प्रस्तुत गरेका थिए ।

May be an image of 4 people, dais and text

प्ले ग्रुप (पिजी) देखि कक्षा २ सम्म पढाई हुने किड्स किंगडममा २९० जना बालबालिका अध्ययनरत छन् । अब अर्को शैक्षिक सत्रदेखि कक्षा ३ पनि सञ्चालन गर्ने तयारी गरिएको प्रिन्सिपल पाण्डेले बताइन् । विद्यार्थीहरुलाई अतिरिक्त क्रियाकलापमा समेत उत्तिकै अग्रसर गराइरहेको बताउँदै पाण्डेले बोल्ने कला विकासका लागि पब्लिक स्पिकिंग, नैतिक आचरण र संस्कार विकासका लागि पनि ध्यान दिइरहेको जानकारी गराइन् । विद्यालयका सिइओ सुवदीले पूर्व प्राथमिक तहमा किड्स किंगडमलाई यस क्षेत्रकै भरपर्दो शैक्षिक गन्तब्यका रुपमा विकास गर्ने उद्देश्य अनुरुप गुणस्तरीय, व्यवहारिक र जीवनोपयोगी शिक्षा प्रदान गर्न लागिपरेको बताए । अभिभावकहरुले देखाएको विश्वास र सद्भावले आफूहरु उत्साहित भएको उनको भनाई छ ।

May be an image of 3 people and dais May be an image of 1 person, dais and text that says 'IDS KINGOOM NEPALGUNJ 8 May be an image of 3 people, dais and text May be an image of one or more people, dais, temple and text