स्प्रिङ्ग डेल एकेडेमीको बार्षिकोत्सब एवम् सांस्कृतिक कार्यक्रम भब्य

शिक्षा

गृहपृष्ठ
शिक्षा
स्प्रिङ्ग डेल एकेडेमीको बार्षिकोत्सब एवम् सांस्कृतिक कार्यक्रम भब्य

स्प्रिङ्ग डेल एकेडेमीको बार्षिकोत्सब एवम् सांस्कृतिक कार्यक्रम भब्य

शनिबार, फागुन २४, २०८१ बागेश्वरी पोस्ट

नेपालगञ्ज । नेपालगञ्ज कारकाँदोस्थित स्प्रिङ्ग डेल एकेडेमीले बार्षिकोत्सब एवम् सांस्कृतिक कार्यक्रम एक भब्य समारोहका बीच सम्पन्न गरेको छ । शनिवार विद्यालय प्रांगणमा आयोजित कार्यक्रममा विभिन्न सांस्कृतिक नृत्यहरु देखाइनुका साथै विद्यार्थीहरुले कक्षागत रुपमा सामूहिक नृत्य समेत प्रस्तुत गरेका थिए भने लोक तथा देउडा गायिका रेखा जोशीले आफ्नो प्रस्तुति दिएकी थिइन् । कार्यक्रममा विभिन्न व्यक्तित्व एवम् शिक्षक र विद्यार्थीहरुलाई सम्मानपत्र प्रदान गरिएको थियो ।

कार्यक्रममा शुभकामना मन्तब्य ब्यक्त गर्ने बक्ताहरुले स्प्रिङ्ग डेल एकेडेमीले विद्यार्थीहरुको बहुआयामिक विकासका लागि महत्वपूर्ण र सार्थक गतिविधिहरु गरिरहेको बताएका थिए । विद्यालयले ब्यवहारिक र जीवनोपयोगी शिक्षा केन्द्रित गतिविधिमा अझ बढोत्तरी गर्नुपर्ने बक्ताहरुको सुझाब छ । प्रमुख अतिथि लुम्बिनी प्रदेश सभा सदस्य अम्बिका काफ्लेले विद्यालयहरुमा अब नैतिक शिक्षाको पढाई जरुरी भइसकेको बताइन् ।

May be an image of 10 people, lighting and dais

त्यसक्रममा शिक्षा विकास तथा समन्वय इकाई बाँकेका प्रमुख धन सुदन चौलागाई, लुम्बिनी प्रादेशिक विश्वविद्यालयका विज्ञ सदस्य प्रा. डा. कृष्ण प्रसाद घिमिरे, महेन्द्र बहुमुखी क्याम्पस नेपालगञ्जका सहायक प्राध्यापक नयन सिंह धामी, राष्ट्रिय परीक्षा बोर्ड कोहलहपुर प्रमुख लक्ष्मी प्रसाद अधिकारी, शिक्षक तालिम प्रशिक्षक डा. जगत तिमिल्सिना, प्याब्सन बाँकेका अध्यक्ष विकास बज्राचार्य, नेपाल पत्रकार महासंघ बाँकेका अध्यक्ष नवीन गिरी, नेल्टा अध्यक्ष प्रमोद सुवेदी, अभिभावकद्वय हिमनाथ पौडेल र राधा आचार्य ढकाल लगायतले शुभकामना मन्तब्य ब्यक्त गरेको विद्यालयका प्रिन्सिपल शरद रावलले बताए ।

कार्यक्रम अवधिभर विद्यार्थीहरुले नै उद्घोषण गरेका थिए । विद्यालयका अध्यक्ष विनोद प्रसाद न्यौपानेको अध्यक्षतामा कार्यक्रम सम्पन्न भएको थियो ।

No photo description available. May be an image of 3 people, wedding, dais and text May be an image of one or more people, wedding and dais