बर्दियाको भुरिगाउँमा अल्मुनाई मिटअप

शिक्षा

गृहपृष्ठ
शिक्षा
बर्दियाको भुरिगाउँमा अल्मुनाई मिटअप

बर्दियाको भुरिगाउँमा अल्मुनाई मिटअप

शुक्रबार, चैत १५, २०८१ बागेश्वरी पोस्ट

नेपालगञ्ज । बर्दियाको भुरिगाउँमा अलुम्नाई मिट अप कार्यक्रम सम्पन्न भएको छ । बालिका शिक्षा कार्यक्रम अन्तरगत कक्षा १२ पास गरेका बालिका (अलुम्नाई) हरुको सहभागितामा उक्त कार्यक्रम सम्पन्न भएको हो । अलुम्नाई बालिकाहरुको प्रगतिका बारेमा जानकारी लिने, सफलताका कथा तथा अनुभव आदानप्रदान गर्ने र अलुम्नाईसँगको सम्बन्धलाई बढावा दिने उद्देश्यले अलुम्नाई मिटअप गरिएको हो ।

रुम टु रिडको आर्थिक तथा प्राविधिक सहयोगमा बास नेपालद्वारा आयोजित कार्यक्रममा रुम टु रिडले तयार पारेको भिडियो र जीवन उपयोगी सीपका बिषयमा परियोजना संयोजक हेमराज भट्टले जानकारी गराएका थिए । बास नेपालमा सिनियर सामाजिक परिचालक सबिता सुनारले सहजीकरण गरेको कार्यक्रममा सहभागी अलुम्नाई मिना थारु, कल्पना थारु, जगनी थारु, सुजिता थारु, गिप्सन थारु, सरस्वती थारु, सलिना थारु लगायतले आफ्नो अनुभव आदानप्रदान गरेका थिए ।

कार्यक्रममा अल्मुनाइको सफलताको कथा, अनुभव आदानप्रदानसँगै उनीहरुको क्षमता उजागर गर्न ट्यालेन्ट शो समेत गरिएको थियो । बालिका शिक्षा कार्यक्रम संयोजक हेमराज भट्ट, लेखा अधिकृत हंस शाही, सिनियर सामाजिक परिचालकहरु शोभा भण्डारी, रचना चौधरी र सविता सुनारको उपस्थिति रहेको थियो । कार्यक्रममा २० जना अलुम्नाईको सहभागिता रहेको थियो ।

प्रकाशित मिति: शुक्रबार, चैत १५, २०८१ २२:०५

प्रतिक्रिया दिनुहोस्