चर्चामा चार जिपिए ल्याएकी सृजना र बिभिएम स्कुल !

शिक्षा

गृहपृष्ठ
शिक्षा
चर्चामा चार जिपिए ल्याएकी सृजना र बिभिएम स्कुल !

चर्चामा चार जिपिए ल्याएकी सृजना र बिभिएम स्कुल !

आइतबार, असार १५, २०८२ बागेश्वरी पोस्ट

नेपालगञ्ज । बाँके जिल्लामै एसइई परीक्षामा चार जिपिए ल्याउने एक मात्र विद्यार्थीको चर्चा चुलिएको छ । विद्यार्थीसंगै विद्यालयको पनि चर्चा भइरहेको छ । कोहलपुर-६ स्थित बिभिएम सेकेण्डरी स्कुलकी छात्रा सृजना डिसी चार जिपिए ल्याउने एकल विद्यार्थी हुन् । उनी यो पटकको एसइई परीक्षामा चार जिपिए ल्याउने एकल विद्यार्थी मात्र होइनिन्, जिल्लामै चार जिपिए ल्याउने पहिलो विद्यार्थी समेत हुन् ।

No photo description available.

चार जिपिए ल्याएर जिल्लामै प्रथम स्थान हासिल गरेकी सृजनालाई विद्यालयले सम्मान समेत गरेको छ । विद्यालयका अध्यक्ष पदम खड्काले आफ्नो विद्यालयकी छात्राले चार जिपिए ल्याई उत्कृष्ट नतिजा हासिल गर्दा जिल्लाकै इज्जत बढाएको भन्दै खुसी ब्यक्त गरे । प्रिन्सिपल गोविन्द सुवेदीले सृजनाले विद्यालयको मान र इज्जत बढाएको बताए । लगन र मेहनतले सृजनाले हासिल गरेको उपलब्धि सबैका लागि प्रेरणा बनेको उनको भनाई छ । सृजनाले निरन्तरको मेहनत र लगाबले आफूले यस्तो सफलता हासिल गरेको बताइन् ।

एसइईमा बाँके जिल्लाबाट यस पटक ६२ दशमलव २३ प्रतिशत विद्यार्थी उत्तीर्ण भएका छन् । ७ हजार ९ सय २१ जना विद्यार्थीले परीक्षा दिएकोमा ४ हजार ९ सय २९ जना विद्यार्थी उत्तीर्ण भएका छन् । परीक्षामा २ हजार ९ सय ९२ विद्यार्थी अनुत्तीर्ण भएका छन् । बाँकेमा ३.६१ देखि ४ जिपिए ल्याउने ६ सय ४२ जना, ३.२१ देखि ३.६० जिपिए ल्याउने १ हजार ६ सय ७ जना, २.८१ देखि ३.२० जिपिए ल्याउने १ हजार ४ सय ९८ जना, २.४१ देखि २.८० जिपिए ल्याउने १ हजार ४७ जना र २.०० देखि २.४० जिपिए ल्याउने १३५ जना विद्यार्थी रहेको शिक्षा विकास तथा समन्वय एकाइ बाँकेले जनाएको छ ।

प्रकाशित मिति: आइतबार, असार १५, २०८२ २१:३६

प्रतिक्रिया दिनुहोस्