लुम्बिनी प्राविधिक विश्वविद्यालयले मनायो तेस्राे बार्षिकाेत्सव

शिक्षा

गृहपृष्ठ
शिक्षा
लुम्बिनी प्राविधिक विश्वविद्यालयले मनायो तेस्राे बार्षिकाेत्सव

लुम्बिनी प्राविधिक विश्वविद्यालयले मनायो तेस्राे बार्षिकाेत्सव

बुधबार, असार १८, २०८२ बागेश्वरी पोस्ट

नेपालगन्ज । लुम्बिनी प्राविधिक विश्वविद्यालयले तेस्राे बार्षिकाेत्सव मनाएकाे छ । बार्षिकाेत्सवकाे लुम्बिनी प्रदेशका सामाजिक विकास मन्त्री एवं सहकुलपति जन्मजय तिमिल्सिनाले उद्घाटन गरे । उनले लुम्बिनी प्राविधिक विश्वविद्यालयले गति लिइसकेकाे र अब व्यवस्थापनलाई बलियाे बनाएर जानुपर्ने बताए । लुम्बिनी प्रदेशका पूर्व मन्त्री रत्न खत्री, बादशाह कुर्मी र चन्द्रकेश गुप्ताले ३३ जना विद्यार्थीबाट सुरु गरेकाे विश्वविद्यालयमा अहिले दुई सय बढी विद्यार्थी पुग्नुले याे विश्वविद्यालयले गति समातिसकेकाे बताए ।

उपकुलपति प्रा. डा. विनाेद ढकालकाे अध्यक्षतामा भएकाे कार्यक्रममा कुलसचिव रेग बहादुर भण्डारीले लुम्बिनी विश्वविद्यालयले राष्ट्रिय र अन्तर्राष्ट्रिय प्रतिष्पर्धा गर्न सक्ने दक्ष व्यक्ति उत्पादन गरिरहेकाे बताए । बाँकेकाे खजुरामा बनाउने निर्णय भएकाे लुम्बिनी प्राविधिक विश्वविद्यालय अहिले नेपालगन्जमा सञ्चालन भइरहेकाे छ । खजुरा गाउँपालिकाका अध्यक्ष डम्बर विक तुफानले भदाैदेखि विश्वविद्यालयकाे प्रशासनिक काम खजुराबाट हुने जानकारी दिए ।

बार्षिकाेत्सवकाे अवसरमा विद्यार्थीले सांस्कृतिक कार्यक्रम गरेका थिए । पुस्तकालय अधिकृत तेजु कुमारी विष्टले सञ्चालन गरेकाे कार्यक्रममा डिन निरज केसीले विश्वविद्यालयकाे बारेमा प्रकाश पारेका थिए ।

प्रकाशित मिति: बुधबार, असार १८, २०८२ १८:४७

प्रतिक्रिया दिनुहोस्