टिआरटिआई कलेजले उत्कृष्ट २९ विद्यार्थीलाई दियो ल्यापटप

शिक्षा

गृहपृष्ठ
शिक्षा
टिआरटिआई कलेजले उत्कृष्ट २९ विद्यार्थीलाई दियो ल्यापटप

टिआरटिआई कलेजले उत्कृष्ट २९ विद्यार्थीलाई दियो ल्यापटप

शुक्रबार, असार २७, २०८२ बागेश्वरी पोस्ट

नेपालगञ्ज । टिआरटिआई कलेज नेपालगञ्जले कलेजमा अध्ययनरत उत्कृष्ट विद्यार्थीहरुलाई ल्यापटप वितरण गरेको छ । कलेजले आज नेपालगञ्जमा एक कार्यक्रमको आयोजना गरी विविए दोस्रो सेमेष्टरका उत्कृष्ट विद्यार्थीहरुलाई ल्यापटप वितरण गरेको हो ।

कार्यक्रमका प्रमुख अतिथि कर्णाली प्रदेश प्रमुख यज्ञराज जोशीले २९ जना विद्यार्थीलाई ल्यापटप प्रदान गरे । विद्यार्थीलाई पढाईमा प्रोत्साहित गर्न तथा अध्ययन कार्यमा सहजताका लागि उत्कृष्ट विद्यार्थीहरुलाई ल्यापटप प्रदान गरिएको कलेजका कार्यकारी निर्देशक भगत नेपालीले बताए ।

May be an image of 3 people, dais, temple and text

कार्यक्रमलाई सम्बोधन गर्दै प्रदेश प्रमुख जोशीले यस प्रकारको कार्यले विद्यार्थीलाई पढाईमा हौसला मिल्ने बताए । उनले टिआरटिआईलाई उत्कृष्ट कलेजका रुपमा स्थापित हुन शुभकामना दिए । कलेजका एक जना सदस्य गणेशमान आचार्यले स्वागत मन्तब्य ब्यक्त गरेको कार्यक्रममा प्याब्सन बाँके अध्यक्ष विकास बज्राचार्य लगायत विभिन्न ब्यक्तिहरुले शुभकामना मन्तब्य ब्यक्त गरेका थिए ।

कार्यक्रममा विभिन्न ब्यक्तित्वहरुलाई सम्मानपत्र समेत वितरण गरिएको थियो । त्यसक्रममा विद्यार्थीहरुले नृत्य पनि प्रस्तुत गरेका थिए । टिआरटिआई सुदुरपश्चिम विश्वविद्यालयबाट सम्बन्धन प्राप्त कलेज हो । कलेजले नेपालगञ्जमा समयानुकूल, प्रविधिमैत्री र उत्कृष्ट तहको विविए अध्यापन गराइरहेको बताएको छ ।

May be an image of 6 people, dais and text that says 'iia वितरण सम्मान ರಾವಾಷ रपटेय " BBA2 S TRTI College UNSA' May be an image of 5 people and dais May be an image of 10 people and hospital