लुम्बिनी प्राविधिक विश्वविद्यालयमा स्नातक तहमा भर्ना खुला

शिक्षा

गृहपृष्ठ
शिक्षा
लुम्बिनी प्राविधिक विश्वविद्यालयमा स्नातक तहमा भर्ना खुला

लुम्बिनी प्राविधिक विश्वविद्यालयमा स्नातक तहमा भर्ना खुला

शनिबार, साउन १०, २०८२ बागेश्वरी पोस्ट

नेपालगञ्ज । लुम्बिनी प्राविधिक विश्वविद्यालयले शैक्षिक सत्र २०८२ का लागि स्नातक तहका विभिन्न प्राविधिक कार्यक्रमहरूमा भर्ना प्रक्रिया सुरु गरेको छ । शुक्रबार आयोजित पत्रकार सम्मेलनमा विश्वविद्यालयका डिन डा. निरज केसीले B.Tech in Civil Engineering, IT Engineering, Computer Science & Artificial Intelligence तथा Information Technology मा भर्ना खुला गरिएको जानकारी दिए । उनका अनुसार दोस्रो र तेस्रो ब्याचका विद्यार्थीहरू भर्ना गरिनेछन् ।

विश्वविद्यालयका मुख्य विशेषता अन्तर्गत गुणस्तरीय र उद्योगमैत्री पाठ्यक्रम, ६० प्रतिशत आन्तरिक मूल्यांकन प्रणाली, एक महिनाभित्र नतिजा प्रकाशन र ग्रेड वृद्धि पुनः परीक्षाको व्यवस्था गरिएको केसीले जानकारी दिए । भर्नाका लागि आवेदन फारम साउन ११ गतेदेखि entrance.ltu.edu.np मा अनलाइनमार्फत उपलब्ध हुनेछ । कक्षा १२ को नतिजाको प्रतीक्षामा रहेका विद्यार्थीहरू पनि परीक्षा दिन योग्य हुनेछन् ।

कुल सचिव रेग बहादुर भण्डारीले आर्थिक रूपमा कमजोर, जेहेन्दार तथा विशेष समुदायका विद्यार्थीहरूलाई लक्षित गरी छात्रवृत्ति योजना बनाइएको बताए । उनका अनुसार पूर्ण छात्रवृत्ति ६ जना, ७५% छुट ३६ जना, ५०% छुट २८ जना र २५% छुट थुप्रै विद्यार्थीलाई प्रदान गरिनेछ ।

हाल विश्वविद्यालयमा १९८ विद्यार्थी अध्ययनरत छन् भने आगामी वर्षहरूमा संख्यात्मक वृद्धि गर्दै समावेशी, शुलभ र गुणस्तरीय प्राविधिक शिक्षा प्रदान गर्ने लक्ष्य लिइएको विश्वविद्यालयले दोहोर्याएको छ ।

प्रकाशित मिति: शनिबार, साउन १०, २०८२ ०८:२६

प्रतिक्रिया दिनुहोस्