आदर्शमा कक्षा ११ मा भर्ना भएका नयाँ विद्यार्थीलाई 'अभिमुखीकरण'

शिक्षा

गृहपृष्ठ
शिक्षा
आदर्शमा कक्षा ११ मा भर्ना भएका नयाँ विद्यार्थीलाई 'अभिमुखीकरण'

आदर्शमा कक्षा ११ मा भर्ना भएका नयाँ विद्यार्थीलाई 'अभिमुखीकरण'

शनिबार, साउन १०, २०८२ बागेश्वरी पोस्ट

नेपालगञ्ज । आदर्श माध्यमिक विद्यालयले कक्षा ११ मा नयाँ भर्ना भएका विद्यार्थीहरूका लागि आज अभिमुखीकरण कार्यक्रम गरेको छ । विद्यालय सञ्चालक समितिका अध्यक्ष सञ्जय थापाको अध्यक्षता एवम् राष्ट्रिय परीक्षा बोर्डका शाखा अधिकृत भगवानदास यादवको प्रमुख आतिथ्यतामा सम्पन्न अभिमुखीकरण कार्यक्रममा विद्यालयका प्रधानाध्यापक महेश्वर जोशीले विद्यालयको शैक्षिक प्रणाली, नियम–अनुशासन, शैक्षिक क्यालेण्डर तथा अतिरिक्त क्रियाकलापहरूको बारेमा जानकारी गराएका थिए । उनले विद्यार्थीहरूलाई कर्तब्यनिष्ठ, इमान्दार, परिश्रमी र अनुशासित बन्न आग्रह गरे ।

May be an image of 1 person and dais

अभिमुखीकरण कार्यक्रममा प्रमुख अतिथि यादव, नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाई, विद्यालयका एकेडेमिक एड्भाइजर प्रकाश लामिछाने, चिफ डाइरेक्टर ईश्वर प्रसाद पोखरेल, संचालक सदस्यहरु डा. राजकुमार सुवेदी, गिरीराज पौडेल, नेपाली शिक्षक दीप पन्थी, कक्षा १२ का छात्र प्रज्वल अधिकारी लगायतले बोलेका थिए । त्यसबीचमा विभिन्न नृत्यहरु समेत प्रस्तुत गरिएको थियो । कार्यक्रम सञ्चालन विद्यालयका सह-प्राचार्य टंक प्रसाद गौतमले गरेका थिए । विज्ञान र ब्यवस्थापन संकायमा गरी आदर्शमा ६५० जना विद्यार्थी भर्ना गर्ने लक्ष्य रहेकोमा अहिले करीब ६०० जना विद्यार्थी भर्ना भइसकेको विद्यालयले जनाएको छ ।

May be an image of 12 people and dais May be an image of one or more people and crowd