एनएक्स एजुकेशनल कन्सल्टेन्सीको ब्राण्ड एम्बेसडरमा प्रेरणा

शिक्षा

गृहपृष्ठ
शिक्षा
एनएक्स एजुकेशनल कन्सल्टेन्सीको ब्राण्ड एम्बेसडरमा प्रेरणा

एनएक्स एजुकेशनल कन्सल्टेन्सीको ब्राण्ड एम्बेसडरमा प्रेरणा

मंगलबार, साउन २०, २०८२ बागेश्वरी पोस्ट

नेपालगञ्ज । एनएक्स एजुकेशनल कन्सल्टेन्सी नेपालगञ्जले ब्राण्ड एम्बेसडरमा नेपालगञ्जकी प्रेरणा गिरीलाई नियुक्त गरेको छ । आज पत्रकार सम्मेलन गरेर उनलाई कन्सल्टेन्सीको ब्राण्ड एम्बेसडरमा नियुक्त गरिएको सिइओ नवराज केसीले जानकारी गराए । साइनिंग सिरोमनी गरी सिइओ केसीले उनलाई सम्झौता पत्र हस्तान्तरण गरेका हुन् । ब्राण्ड एम्बेसडरमा नियुक्त भएकी गिरीले संस्थाको हितका लागि आफू प्रतिबद्ध भएर लाग्ने बताइन् । साथै सबैलाई सहयोग गर्न पनि उनले आग्रह गरिन् ।

गिरी नेपाली सिनेमाकी उदयमान कलाकार, कार्यक्रम उद्घोषकका रुपमा यस क्षेत्रमा परिचित छिन् । नेपालगञ्जमा मुख्य कार्यालय रहेको कन्सल्टेन्सीले बिगत ६ बर्षदेखि जापान पढ्न जाने विद्यार्थीहरुलाई मार्गनिर्देशन गर्दै आएको सिइओ केसीले बताए । उच्च शिक्षाका लागि सयौं बिद्यार्थीलाई जापानका प्रतिष्ठित बिद्यालयहरुमा भर्ना गराउन सफल रहँदै आएको उनले बताए ।

कन्सल्टेन्सीले जापानको टोकियो, ओसाका, हिरोसिमा, फुकुओका लगायत प्रमुख शहरहरुमा आवस्थित 'ए' ग्रेडका कलेजहरुसंग प्रत्यक्ष सहकार्य गर्दै आएको जनाएको छ । कन्सल्टेन्सीले अब उच्च शिक्षाका लागि नेपालगञ्जबाट आवेदन दिन सकिने भएकाले काठमाण्डौ जाने समस्या हटेको सिइओ केसीले बताए ।

प्रकाशित मिति: मंगलबार, साउन २०, २०८२ २१:१३

प्रतिक्रिया दिनुहोस्