नेपालगन्ज क्याम्पस अफ म्यानेजमेन्ट एण्ड टेक्नोलोजीद्वारा छात्रवृत्ति कार्यक्रम घोषणा

शिक्षा

गृहपृष्ठ
शिक्षा
नेपालगन्ज क्याम्पस अफ म्यानेजमेन्ट एण्ड टेक्नोलोजीद्वारा छात्रवृत्ति कार्यक्रम घोषणा

नेपालगन्ज क्याम्पस अफ म्यानेजमेन्ट एण्ड टेक्नोलोजीद्वारा छात्रवृत्ति कार्यक्रम घोषणा

आइतबार, भदौ १, २०८२ बागेश्वरी पोस्ट

नेपालगन्ज । नेपालगन्ज गणेशमान चोकस्थित नेपालगन्ज क्याम्पस अफ म्यानेजमेन्ट एण्ड टेक्नोलोजी (NCMT) ले आफ्नो १२औं वार्षिकोत्सबको अवसरमा विशेष छात्रवृत्ति कार्यक्रम घोषणा गरेको छ । नेपालगन्जमा आज पत्रकार सम्मेलन सम्मेलन गर्दै NCMT ले यस वर्ष BSc. CSIT र BCA दुबै कार्यक्रमका लागि १२/१२ जना विद्यार्थीलाई छात्रवृत्ति प्रदान गर्ने जनाएको छ ।

कलेजका को-अर्डिनेटर अंकित श्रीवास्तवले २ जना विद्यार्थीलाई शतप्रतिशत छात्रवृत्ति प्रदान गरिने बताए । उनका अनुसार त्रिभुवन विश्वविद्यालयद्वारा लिइने प्रवेश परीक्षामा उत्कृष्ट हुने दुई जना विद्यार्थीलाई प्रथम सेमेष्टरको सम्पूर्ण (ट्युसन फी) मा शतप्रतिशत छात्रवृत्ति प्रदान गरिनेछ । यस्तै २ जना विद्यार्थीलाई ७५ प्रतिशत, २ जनालाई ५० प्रतिशत र ६ जना विद्यार्थीलाई २५ प्रतिशत छात्रवृत्ति प्रदान गर्ने घोषणा कलेजले गरेको छ । जस अन्तरगत छात्रवृत्तिको वित्तीय मूल्य BSc. CSIT कार्यक्रममा १९ लाख ४० हजार र BCA मा १५ लाख ६० हजार गरी कुल ३५ लाख बराबरको छात्रवृत्ति यस योजनामार्फत उपलब्ध गराइनेछ ।

छात्रवृत्ति प्राप्त गर्ने विद्यार्थी छनौट प्रक्रिया निष्पक्ष, पारदर्शी र प्रतिष्पर्धात्मक हुने कलेज प्रमुख निशान्त शाक्यले बताए । त्रिभुवन विश्वविद्यालय प्रवेश परीक्षाको नतिजा ४० प्रतिशत, क्याम्पस आफैंले लिने छात्रवृत्ति परीक्षा ४० प्रतिशत, महिला उम्मेदवारलाई प्रोत्साहन १० प्रतिशत र गरिब/जेहेन्दार विद्यार्थीको मूल्यांकन १० प्रतिशत अंकलाई मूल्यांकनको मापदण्ड बनाइएको छ । सामाजिक उत्तरदायित्व अन्तरगत छात्रवृत्ति योजना सुरु गरिएको शाक्यले बताए । कलेजले नेपालगन्जमै बसेर अन्तर्राष्ट्रिय स्तरको BSc. CSIT र BCA कार्यक्रम अध्ययन गर्न सकिने वातावरण निर्माण गरेको र छात्रवृत्ति योजना त्यसकै एक हिस्साको रुपमा रहेको उनको भनाई छ । पत्रकार सम्मेलनमा कलेज संचालक सदस्य वृजेश वैश्यको पनि उपस्थिति थियो ।

आवेदन दिनको लागि निम्न फाराम भर्न सकिने कलेजले जनाएको छ: https://tinyurl.com/ncmt-scholarship

प्रकाशित मिति: आइतबार, भदौ १, २०८२ १७:३३

प्रतिक्रिया दिनुहोस्