रोयल इन्फिल्डको 'Hunter 350' को नयाँ संस्करण नेपालगञ्जमा सार्वजनिक

अर्थ

गृहपृष्ठ
अर्थ
रोयल इन्फिल्डको 'Hunter 350' को नयाँ संस्करण नेपालगञ्जमा सार्वजनिक

रोयल इन्फिल्डको 'Hunter 350' को नयाँ संस्करण नेपालगञ्जमा सार्वजनिक

बुधबार, मंसिर २४, २०८२ बागेश्वरी पोस्ट

नेपालगञ्ज । रोयल इन्फिल्डले आफ्नो लोकप्रिय स्ट्रीट रोडस्टर मोडेल Hunter 350 को नयाँ संस्करण नेपालगञ्जमा सार्वजनिक गरेको छ । मिड-साइज मोटरसाइकल समूह (२५०-७५० सीसी) मा विश्वकै अग्रणी ब्रान्ड Royal Enfield ले बुधबार नेपालगञ्जमा एक औपचारिक कार्यक्रमको आयोजना गरी विश्वका प्रख्यात सहरका 'कुल जीवनशैली' बाट प्रेरित रङ, सुधारिएको सस्पेन्सन तथा सहज अर्गोनोमिक डिजाइनसहितको BSVI नयाँ Hunter 350, 2025 Edition सार्वजनिक गरेको रोयल इन्फिल्डका नेपालगञ्जको लागि आधिकारिक विक्रेता राँझा चोक नजिक रहेको वेष्टेण्ड नेपाल प्रालिका सञ्चालक सौभाग्य सिंहले जानकारी दिए ।

नेपालगञ्ज उपमहानगरपालिकाका नगर प्रमुख प्रशान्त विष्टको प्रमुख आतिथ्यतामा आयोजित कार्यक्रममा Hunter 350 नयाँ संस्करण सार्वजनिक गरिएको थियो । नयाँ Hunter 350 मा Rio White, Tokyo Black, London Red र Graphite Grey गरी चार 'स्ट्रिट-इन्स्पायर्ड' रङ उपलब्ध छन् । यस संस्करणमा Slip Assist Clutch जडान गरिएको छ, जुन कम्पनीको ३५०-सीसी मोडलमा पहिलोपटक प्रयोग भएको सुविधा हो । साथै, परिमार्जित पछाडिको सस्पेन्सन, बढेर १६० एमएम ग्राउन्ड क्लीयरन्स, सुधारिएको सिट, Dual Channel ABS, LED हेडल्याम्प तथा अर्गोनोमिक डिजाइनले समग्र सवारी अनुभव सहज बनाउने र ट्रिप नेभिगेटर अप्सनको रूपमा थप गरिएको छ । Hunter 350 मा प्रयोग गरिएको 349 cc J-series इन्जिन ले सहरी सडकको दैनिकीमा चुस्ती र सहजता प्रदान गर्ने दाबी गरिएको छ । सन् २०२२ मा पहिलोपटक बजारमा आएको यो मोडलले हालसम्म विश्वभर ७ लाख भन्दा बढी राइडर जोडिसकेको कम्पनीले जनाएको छ ।

प्रकाशित मिति: बुधबार, मंसिर २४, २०८२ २०:५८

प्रतिक्रिया दिनुहोस्