आदर्श माध्यमिक विद्यालयमा कला, हस्तकला र विज्ञान प्रदर्शनी

शिक्षा

गृहपृष्ठ
शिक्षा
आदर्श माध्यमिक विद्यालयमा कला, हस्तकला र विज्ञान प्रदर्शनी

आदर्श माध्यमिक विद्यालयमा कला, हस्तकला र विज्ञान प्रदर्शनी

शुक्रबार, मंसिर २६, २०८२ बागेश्वरी पोस्ट

नेपालगञ्ज । नेपालगञ्ज सुर्खेतरोडस्थित आदर्श माध्यमिक विद्यालयमा कला, हस्तकला र विज्ञान प्रदर्शनी गरिएको छ । विद्यालय प्रांगणमा आज आयोजित प्रदर्शनीको नेपालगञ्ज मल्टिपल क्याम्पस (एनएमसी) का प्रमुख तसवर खान र अभिभावक संजोग कृष्ण श्रेष्ठले संयुक्तरुपमा उद्घाटन गरे । विद्यालयका एकेडेमिक एड्भाइजर प्रकाश लामिछानेले स्वागत मन्तब्य ब्यक्त गरेको कार्यक्रमको सञ्चालन सहायक प्राचार्य टंक प्रसाद गौतमले गरेका थिए ।

कक्षा नर्सरीदेखि १२ सम्मका विद्यार्थीहरुको कला, हस्तकला र विज्ञान सम्बद्ध सामग्री प्रदर्शनीमा राखिएको थियो । निर्णायकहरुको निर्णयको आधारमा तहगत रुपमा उत्कृष्ट भएकाहरुलाई पुरस्कृत गरिने विद्यालयले जनाएको छ । रकेट निर्माण र लञ्जिंग (उडान) मुख्य आकर्षणको रुपमा रहेको सहायक प्राचार्य गौतमले बताए । उनले विद्यार्थीहरुमा सिर्जनशिलताको अभिबृद्धि गर्दै अतिरिक्त क्रियाकलापमा समेत रुची बढाउन प्रत्येक बर्ष प्रदर्शनी गर्दै आएको जानकारी दिए । प्रदर्शनीमा विद्यार्थीहरुको उल्लासपूर्ण सहभागिता रहेको गौतमको भनाई छ ।

प्रकाशित मिति: शुक्रबार, मंसिर २६, २०८२ २०:३६

प्रतिक्रिया दिनुहोस्