खजुरामा हाजिरी-जवाफ प्रतियोगिता सम्पन्न

शिक्षा

गृहपृष्ठ
शिक्षा
खजुरामा हाजिरी-जवाफ प्रतियोगिता सम्पन्न

खजुरामा हाजिरी-जवाफ प्रतियोगिता सम्पन्न

आइतबार, पुस १३, २०८२ बागेश्वरी पोस्ट

खजुरा । बाँकेको खजुरामा मावि तथा आधारभूत तह हाजिरी-जवाफ प्रतियोगिता सम्पन्न भएको छ । खजुरास्थित मनकामना युवा क्लबको आयोजनामा प्रतियोगिता आयोजना गरिएको हो । क्लबका अध्यक्ष लक्ष्मण प्रसाद कँडेलको अध्यक्षतामा भएको प्रतियोगितामा आधारभूत तह अन्तर्गत १३ विद्यालय र मावि स्तरमा १४ वटा विद्यालयका विद्यार्थीहरुले सहभागिता जनाएका थिए । हाजिरी-जवाफ प्रतियोगितामा मावि स्तरमा नेपाल राष्ट्रिय माध्यमिक विद्यालय मनकामनापुर प्रथम भएको छ । यस्तै, ज्ञानोदय नमुना माध्यमिक विद्यालय दोस्रो र सिटिजन नमुना माध्यमिक विद्यालय तेस्रो भयो ।

माध्यमिक तह अन्तर्गत पहिलो, दोस्रो र तेस्रो हुने विद्यालयले क्रमशः ९ हजार, ६ हजार, ३ हजार १ सय नगद पुरस्कारसहित प्रमाणपत्र प्राप्त गरे । आधारभूत तह अन्तर्गत भएको प्रतियोगितामा भानु माध्यमिक विद्यालय प्रथम भयो । आधारभूत तहमा ज्ञानोदय नमुना माध्यमिक विद्यालय दोस्रो र जेनिथ माध्यमिक तेस्रो बन्न सफल भए । आधारभूत तहमा प्रथम हुनेले ६ हजार, दोस्रो हुनेले ४ हजार ५ सय र तेस्रो स्थानमा आउने ३ हजार नगद पुरस्कार सहित प्रमाणपत्र प्रदान गरिएको मनकामना युवा क्लबका महासचिव गणेश सापकोटाले जानकारी दिए ।

प्रकाशित मिति: आइतबार, पुस १३, २०८२ २०:२४

प्रतिक्रिया दिनुहोस्