ह्याप्पी होप इंग्लिश मिडियम स्कूलले मनायो अठारौं बार्षिकोत्सब

शिक्षा

गृहपृष्ठ
शिक्षा
ह्याप्पी होप इंग्लिश मिडियम स्कूलले मनायो अठारौं बार्षिकोत्सब

ह्याप्पी होप इंग्लिश मिडियम स्कूलले मनायो अठारौं बार्षिकोत्सब

शुक्रबार, माघ ९, २०८२ बागेश्वरी पोस्ट

नेपालगञ्ज । ह्याप्पी होप इंग्लिश मिडियम स्कूलले अठारौं बार्षिकोत्सब मनाएको छ । नेपालगञ्ज उपमहानगरपालिका वडा नम्बर २२ स्थित बसपार्क रोड पुरैनी कान्तिताल नजिकै अवस्थित ह्याप्पी होप इंग्लिश मिडियम स्कूलले आज अठारौं बार्षिकोत्सब मनाउनुका साथै बसन्त पञ्चमीका अवसरमा विशेष कार्यक्रम सम्पन्न गरेको छ ।

विद्यालयका अध्यक्ष सागर ज्ञवालीको सभापतित्व एवम् वडा नम्बर २२ का वडा अध्यक्ष अब्दुल गफ्फार हलवाईको प्रमुख आतिथ्यता तथा नेपालगञ्ज उपमहानगरपालिका शिक्षा महाशाखाका अधिकृत लोकेन्द्र बहादुर शाहीको विशिष्ट आतिथ्यतामा कार्यक्रम सम्पन्न भएको थियो । कार्यक्रममा विद्यालयका उत्कृष्ट शिक्षक, शिक्षिका र विद्यार्थीलाई सम्मान गर्नुका साथै खेलकुद प्रतियोगिताका विजेता विद्यार्थीहरुलाई पुरस्कार समेत वितरण गरिएको थियो ।

कार्यक्रममा वडा नम्बर २२ का वडा अध्यक्ष हलवाई, विद्यालयका अध्यक्ष ज्ञवाली, प्रबन्ध निर्देशक चेतलाल गिरी, विद्यालय सञ्चालक सदस्य मीरा खनाल, प्रधानाध्यापक युवराज कोइराला लगायतले बोलेका थिए ।

बार्षिकोत्सब समारोहमा अभिभावक, विद्यार्थी लगायत अन्य अतिथिहरुको उपस्थिति थियो । बसन्त पञ्चमी अर्थात सरस्वती पूजाको अवसरमा विद्यालय भर्ना भएका नयाँ बालबालिकालाई अक्षराम्भ पनि गराइएको थियो । त्यस समारोहमा शिक्षक तथा विद्यार्थीहरुले नृत्य समेत प्रस्तुत गरेका थिए ।

प्रकाशित मिति: शुक्रबार, माघ ९, २०८२ २०:२७

प्रतिक्रिया दिनुहोस्