देउसी भैलो कार्यक्रममा सहभागी नहुन र बालबालिकाहरुलाई कार्यक्रममा नपठाउन गृह मन्त्रालयको आग्रह

समाचार

गृहपृष्ठ
समाचार
देउसी भैलो कार्यक्रममा सहभागी नहुन र बालबालिकाहरुलाई कार्यक्रममा नपठाउन गृह मन्त्रालयको आग्रह

देउसी भैलो कार्यक्रममा सहभागी नहुन र बालबालिकाहरुलाई कार्यक्रममा नपठाउन गृह मन्त्रालयको आग्रह

मंगलबार, कात्तिक २५, २०७७ बागेश्वरी पोस्ट

गृह मन्त्रालय

नेपालगन्ज । गृहमन्त्रालयले स्वास्थ्य प्रोटोकल तथा सुरक्षा मापदण्ड अपनाएर तिहार र छठ पर्व मनाउन आग्रह गरेको छ । मन्त्रालयका प्रवक्ता सहसचिव चक्रबहादुर बुढाले कोरोना भाइरस संक्रमणको बढ्दो अवस्थाका कारण जो जहाँ छौं त्यही बसेर चाड मनाउन र अत्यावश्यक बाहेक काम नपरी बाहिर ननिस्कन आग्रह गरेका छन् ।

‘तिहारको निहुँमा जुवा तासजन्य कुनै पनि गैरकानूनी तथा अवाञ्छित गतिविधि नगर्न, स्वास्थ्य तथा सुरक्षाको दृष्टिकोणले जोखिम हुने भुईंचम्पा, पटका, आतसबाजी जस्ता प्रज्वलनशील पदार्थको उत्पादन विक्री, वितरण र प्रयोग नगर्नसमेत अनुरोध छ’, विज्ञप्तिमा भनिएको छ ।