जानकीका महिलाहरुलाई निःशुल्क सेनेटरी प्याड वितरण

समाचार

गृहपृष्ठ
समाचार
जानकीका महिलाहरुलाई निःशुल्क सेनेटरी प्याड वितरण

जानकीका महिलाहरुलाई निःशुल्क सेनेटरी प्याड वितरण

शनिबार, माघ ३, २०७७ बागेश्वरी पोस्ट

जानकी(बाँके) । जानकी गाउँपालिका वडा नं. ३ कर्मोहनाका महिलाहरुलाई निःशुल्क सेनेटरी प्याड वितरण गरिएको छ । महिला जनचेतनामूलक अभियान अन्तरगत् बी योर सेल्फ नामक संस्थाले आज प्याड वितरण गरेको हो । कार्यक्रममा २ सय जनालाई प्याड वितरण गरिएको संस्थाका अध्यक्ष गौरव शाहले जानकारी दिनुभयो । कार्यक्रममा संस्थाकी उपाध्यक्ष अनुपा चौधरी, कोषाध्यक्ष प्रेक्षा केसी, पूर्व मिस नेपालगंज सुमन थापा, मधु योगी लगायतले सामग्री हस्तान्तरण गर्नुभएको थियो । वितरण कार्यक्रममा महिनावारीका वारेमा जनचेतनामूलक नृत्य, नाटक प्रदर्शनका साथै स्वास्थ्य सम्बन्धि जानकारी समेत प्रदान गरिएको थियो । नेपालगन्जका युवाहरुद्वारा स्वत:स्फुर्त रुपमा गठित संस्थाले यसअघि पनि आर्थिक संकलन गरी विपन्न तथा असहायहरुलाई खाना खुवाउने लगायतका सामाजिक क्रियाकलापहरु गर्दै आएको सचिव करण शाहले जानकारी दिनुभयो । कार्यक्रममा ए एण्ड बि ट्रेड सप्लायर्स, विनायक मेडिकल, शुभम् जनरल स्टोर लगायतले बिभिन्न सामग्री सहयोग गरेका थिए ।

प्रकाशित मिति: शनिबार, माघ ३, २०७७ २०:१२

प्रतिक्रिया दिनुहोस्