नेपालगन्जमा नियम बिपरित गुडेका ३१ अटो-रिक्सा नियन्त्रणमा

स्थानीय

गृहपृष्ठ
स्थानीय
नेपालगन्जमा नियम बिपरित गुडेका ३१ अटो-रिक्सा नियन्त्रणमा

नेपालगन्जमा नियम बिपरित गुडेका ३१ अटो-रिक्सा नियन्त्रणमा

मंगलबार, फागुन ४, २०७७ बागेश्वरी पोस्ट

नेपालगन्ज। नेपालगन्जबाट ३१ वटा ई-रिक्सा र पेट्रोल अटो रिक्सालाई वडा प्रहरी नेपालगन्जले नियन्त्रणमा लिएको छ।

जथाभावी रुपमा ई-रिक्सा र पेट्रोल अटोमा साउण्ड बक्स तथा स्पिकरहरु जडान गरि ध्वनि प्रदुषण गर्दै गुडका ती अटोलाई आज दिउसो नियन्त्रणमा लिएको प्रहरीले जानकारी दिएको छ।

वडा प्रहरीको टोलीले नियन्त्रणमा लिइएका ३० वटा ई-रिक्सा र एउटा पेट्रोल अटोमा जडान गरिएका साउण्ड बक्स तथा स्पिकरहरु खोल्न लगाई छोडिएको प्रहरीले जानकारी दिएको छ। प्रहरीले ती सवारीसाधनका चालकलाई अब आइन्दा पुनः जडान गरेमा कारबाही गरिने भनेर सम्झाई बुझाई पठाएको छ।

यस्तै आजै वडा प्रहरीको टोलीले मोडिफाई गरिएका पाँच वटा मोटरसाइकललाई नियन्त्रणमा लिएको छ। स्वरुप परिबर्तन गरेर चलाइएका उक्त मोटरसाइकल धनीलाई नयाँ सामाग्रीलाई खरिद गर्न लगाएर पुराना सामाग्री निकाल्न लगाएको थियो।

नयाँ सामाग्री जडान गरेपछि प्रहरीले चेतावनी दिदै रिहा गरेको थियो।प्रहरीले गरेको यो कार्य प्रति स्थानियहरुले खुशी व्यक्त गरेका छन् ।

प्रकाशित मिति: मंगलबार, फागुन ४, २०७७ १९:०३