खोपको सुनिश्चितताका लागि नेपालगन्जको वडा नं १० मा समिक्षा

स्थानीय

गृहपृष्ठ
स्थानीय
खोपको सुनिश्चितताका लागि नेपालगन्जको वडा नं १० मा समिक्षा

खोपको सुनिश्चितताका लागि नेपालगन्जको वडा नं १० मा समिक्षा

बिहीबार, फागुन ६, २०७७ बागेश्वरी पोस्ट

नेपालगन्ज। नेपालगन्ज उपमहानगरपालिका वडा नम्बर १० मा पूर्ण खोपको सुनिश्चितता र दिगोपनाका लागि सरोकारबीच समिक्षा गरिएको छ ।

वडा अन्तर्गत शहरी स्वास्थ्य केन्द्रद्धारा आज गोसाई गाउँस्थित हनुमान नेरा प्राविमा आयोजित कार्यक्रममा खोप समन्वय समिति, स्वास्थ्य संस्था सञ्चालन तथा व्यवस्थान समिति, जनप्रतिनीधी, कर्मचारी, समाजसेवीबीच खोपलाई प्रभावकारी बनाउने विषयमा समिक्षा गरिएको हो ।

नियमित खोप लगाउन नमान्ने र छुट भएका बालबालिकालाई कसरी पूर्ण खोप लगाउने भन्ने विषयमा व्यापक विमर्शपछि खोप कार्यक्रमको तयारी गरिएको छ । शहरी स्वास्थ्य केन्द्रका प्रमुख गगनसिंह साउदका अनुसार — वडाको खोप, घरधुरी सर्वेक्षणमा अझैं २० जना खोप लगाउन छुटेका, १२ जना अहिले पनि खोप नलगाएका, एक सय १० जना नयाँ खोप रोटा खुवाउन पर्ने छुटेको अवस्था रहेको छ ।

गोसाई गाउँ शहरी स्वास्थ्य केन्द्रमा ८ गते, चौलीकमामा ९ गते विहान ८ वजेदेखी नियमित खोप लगाउने निर्णयसहितको तयारी गरिएको छ । सीनीयर अहेव छैठौ अधिकृत साउदले वडाको समग्र स्वास्थ्य स्थिती प्रस्तुत गर्नु भएको समिक्षामा वडा अध्यक्ष विन्दुभुषण बस्नेतले वडालाई पूर्ण खोप गरिएपनि खोप लगाउन झै बाँकी रहेकाले स्वास्थ्य खोपप्रति जिम्मेवार बन्न अभिभावकलाई अपील गर्नु भयो ।

सहभागीहरुले आआफनो टोल छिमेकमा प्रचार प्रसार गर्ने, गराउने, तोकीएको स्थानमा खोप लगाउन पठाउने प्रतिवद्धता व्यक्त गरेका छन् ।

प्रकाशित मिति: बिहीबार, फागुन ६, २०७७ १८:२०

प्रतिक्रिया दिनुहोस्