बढैयाताल गाउँपालिकाले सुशासन नीति कार्यान्वयनमा ल्याउँदै

स्थानीय

गृहपृष्ठ
स्थानीय
बढैयाताल गाउँपालिकाले सुशासन नीति कार्यान्वयनमा ल्याउँदै

बढैयाताल गाउँपालिकाले सुशासन नीति कार्यान्वयनमा ल्याउँदै

बिहीबार, फागुन ६, २०७७ बागेश्वरी पोस्ट

नेपालगन्ज । बर्दियाको बढैयाताल गाउँपालिकाले सुशासन नीति २०७७ निमार्ण गरी कार्यान्वयनमा ल्याएको छ ।

गाउँपालिकालाई सुशासनका क्षेत्रमा प्रभावकारी सेवा प्रवाह गर्न नीति निमार्ण गरिएको हो । सूचना र मानवअधिकार अनुसन्धान केन्द्र नेपालगन्जले स्थानीय तहमा सूचनाको हक, सुशासन र पारदर्शिता अभिबृद्धि र प्रभावकारी सेवा प्रवाह गर्नमा सहयोग पुग्ने उद्देश्यले गाउँपालिकाको सुशासन नीति तयार गरेको छ ।

सुशासन ऐन २०६४ र सुशासन प्रबद्र्धन रणनिति तथा कार्ययोजना २०७४ अनुसार उक्त नीति तयार गरिएको हो । संस्थाको प्राविधिक सहयोगमा गाउँपालिकाले तयार गरेको नीतिलाई समुदायस्तरमा नागरिकहरुको सहभागितामा छलफल गरी कार्यन्वयन गर्नका लागि कार्यपालिकाको बैठकबाट पारित गरिएको उपाध्यक्ष दिपा गौतमले बताउनुभयो ।

उपाध्यक्ष गौतमले पालिकाले गर्ने काममा संस्थाले गरेको प्राविधिक सहयोगप्रति धन्यवाद दिँदै सुशासन नीतिलाई प्रभावकारीरुपमा कार्यान्वयन गर्ने प्रतिबद्धता गर्नुभयो । संस्थाले गाउँपालिकाको मानव अधिकार निर्देशिका पनि तयार गरेको छ ।

प्रकाशित मिति: बिहीबार, फागुन ६, २०७७ १८:५३

प्रतिक्रिया दिनुहोस्