अन्तर्राष्ट्रिय नारी दिवस मनाउन नेपालगञ्जमा तयारी शुरु

स्थानीय

गृहपृष्ठ
स्थानीय
अन्तर्राष्ट्रिय नारी दिवस मनाउन नेपालगञ्जमा तयारी शुरु

अन्तर्राष्ट्रिय नारी दिवस मनाउन नेपालगञ्जमा तयारी शुरु

बिहीबार, फागुन ६, २०७७ बागेश्वरी पोस्ट

नेपालगञ्ज । यस वर्षको अन्तर्राष्ट्रिय नारी दिवस भब्यताका साथ मनाउन नेपालगञ्जमा तयारी शुरु भएको छ ।

आज नेपालगञ्ज उपमहानगरपालिकाका उपमेयर उमा थापा मगरको संयोजकत्वमा सरोकारवालाहरुको संयुक्त बैठक बसेर नारी दिवस भब्य बनाउन तयारी शुरु गरिएको हो । बैठकले दिवसलाई भब्यरुपमा मनाउन कार्यदल समेत गठन गरेको छ । दिवसमा धेरै भन्दा धेरैको सहभागिताका लागि गठित कार्यदलले कार्य योजना बनाएर अघि बढ्ने निर्णय गरिएको छ ।

साना हातहरु नेपालकी अम्बिका पुनको संयोजकत्वमा गठित कार्यदलको सदस्यहरुमा गीता आचार्य, निर्मला पौडेल, पुष्पा सुनार, सुनिता सारु, सरस्वती शर्मा र महिला शाखाका कर्मचारी रहनुभएको छ । बैठकलाई सम्बोधन गर्दै उपमेयर थापाले पछाडि परेका समुदायका महिला, किशोरी वर्गलाई समाजमा अगाडि ल्याउनुपर्ने बताउनुभयो । उहाँले बाल विवाह, बीचमै बिद्यालय छाडेकाहरुलाई दिवसले प्रभावित बनाउन आवश्यक रहेकोमा जोड दिनुभयो । साथै उहाँले दिवसको अवसरमा गरिने कार्यक्रमहरु मार्फत् दिवस लक्षित समुदायको सचेतनाका लागि सबै संघसंस्थाहरुले सहयोग गर्ने अनुरोध समेत गर्नुभयो ।

बैठकले दिवसका अवसरमा वक्तृत्वकला प्रतियोगिता, र्याली तथा व्यानर प्रदर्शन, महिला तथा किशोरीहरुको सुरक्षाका लागि आत्मरक्षा तालिम र महिला फुटबल प्रतियोगिता लगायतका कार्यक्रमहरु गर्ने निर्णय गरेको छ । यस वर्ष यही फागुन २४ गते मार्च ८ तारिखका दिन अन्तर्राष्ट्रिय नारी दिवस परेको छ ।