सूचना र मानव अधिकार अनुसन्धान केन्द्रको साधारणसभा सम्पन्न

स्थानीय

गृहपृष्ठ
स्थानीय
सूचना र मानव अधिकार अनुसन्धान केन्द्रको साधारणसभा सम्पन्न

सूचना र मानव अधिकार अनुसन्धान केन्द्रको साधारणसभा सम्पन्न

आइतबार, फागुन ९, २०७७ बागेश्वरी पोस्ट

नेपालगन्ज । सूचना र मानव अधिकार अनुसन्धान केन्द्र नेपालगन्जले आफ्नो आठौं स्थापना दिवस तथा वार्षिक साधारणसभा सम्पन्न गरेको छ । संस्थाले यस वर्ष फरक तरिकाले दिवस तथा सभा मनाएको छ ।

सभाको उद्घाटन सत्र भेरी अस्पताल परिसरभित्र सञ्चालित अञ्जनी माता रसोईमा गरिएको छ । उक्त रसोईमा दैनिक करिब तीन सय जनाले २० रुपैयाँमा खाना खाने गर्दछन् । परोपकारी कार्यलाई प्रबद्र्धन गर्न र अस्पतालका गरिब असहाय विरामी तथा मजदुरलाई पेटभरि खाना खुवाउने कार्यलाई दीर्घकालिन बनाउन संस्थाले होटेल रेष्टुरेन्टमा तिर्ने रकम रसोईलाई उपलब्ध गराएको छ । संस्थाले सात हजार रुपैयाँ नगद सहयोग गरेको छ ।

उद्घाटन समारोहका प्रमुख अतिथि नेपालगन्जका मेयर डा. धवलशम्सेर राणाले सूचनाको हक र सुशासनका क्षेत्रमा काम गर्ने संस्थाको रुपमा पहिचान कमाएको भन्दै नागरिक अगुवाई गर्ने संस्थागत विकास भएको बताउनुभयो । उहाँले परोपकारी कार्यलाई थप उत्प्रेरित र हौसला प्रदान गर्ने किसिमको कार्यको शुरुवात निकै सराहनीय भएको भन्दै आगामी दिनहरुमा यस्ता सामाजिक संस्थाले यसैगरी आप्mनो अभियान सफल गरेमा सेवाको विकासमा मद्दत पुग्ने बताउनुभयो ।

मधेशी आयोगका सदस्य विजय गुप्ताले छोटो समयमा संस्थाले संचालन गरेको विभिन्न नागरिक अभियान सफल रुपमा उपलब्धिपूर्ण भएकाले नागरिकहरुको नेतृत्व गर्ने एक सक्षम संस्थाको रुपमा आप्mनो पहिचान बनाइसकेको भन्दै प्रशंसा गर्नुभयो । पुर्व सभासद् मोहम्मदी सिद्दिकीले संबिधानले मौलिक हकको रुपमा व्यवस्था गरेको नागरिकसंग प्रत्यक्ष जोडिएका अधिकारहरुको कार्यान्वयन गर्नमा सशक्त अवाज उठाएको बताउनुभयो ।

संस्थाका अध्यक्ष विश्वजित तिवारीको अध्यक्षतामा सम्पन्न उद्घाटन समारोहमा उच्च अदालत बार एशोशिएसन नेपालगन्जका अध्यक्ष विकास आचार्य, पूर्ब अध्यक्ष बलबहादुर चन्द, भेरी चिकित्सक संघका अध्यक्ष डा. विनोद कर्ण, लायन्स घनश्याम बैश्य, पत्रकार विजय बर्मा, अधिकारकर्मी आलम खान लगायतले शुभकामना दिनुभएको थियो । त्यस अवसरमा संस्थाको वर्षभरिको कार्य प्रगतिसहितको प्रतिबेदन संस्थाका सचिव रजनी खनालले प्रस्तुत गर्नुभएको थियो । कार्यक्रम पश्चात् रसोईमा सामुहिक भोजन गरिएको थियो ।

संस्थाको बन्दसत्रले सभामा प्रस्तुत भएको प्रगति तथा आर्थिक प्रतिबेदन अनुमोदन गरेको छ । यसैगरी सभामा संस्थाले निर्माण गरेको ३ वटा नयाँ नीति निर्देशिका र दुई नीतिलाई संशोधन र वार्षिकरुपमा समिक्षा गरिएको रणनीतिक कार्ययोजनालाई समेत अनुमोदन गरेको छ । सभाले संस्थाले सञ्चालन गरेको कार्यक्रमको समिक्षा, चुनौती र समस्याको व्यवस्थापन तथा आगामी वर्षको रणनीति निर्माण गरेको छ ।

यसैवीच संस्थाको स्थापना दिवसका अवसरमा नेपालगन्जका बलात्कृत एक बालिकाको परिवारको आर्थिक अवस्था दयनीय भएकाले उक्त परिवारलाई पाँच हजार आर्थिक सहयोग प्रदान गरिएको छ । संस्थाले दिवसको अवसरमा शनिबार हनुमानगढी गौशालामा बृक्षारोपण गरेको थियो ।

प्रकाशित मिति: आइतबार, फागुन ९, २०७७ १७:४९

प्रतिक्रिया दिनुहोस्