नेपालगन्जमा सिट क्षमता भन्दा बढी यात्रु बोक्ने ६ म्याजिक भ्यान कारबाहीमा

स्थानीय

गृहपृष्ठ
स्थानीय
नेपालगन्जमा सिट क्षमता भन्दा बढी यात्रु बोक्ने ६ म्याजिक भ्यान कारबाहीमा

नेपालगन्जमा सिट क्षमता भन्दा बढी यात्रु बोक्ने ६ म्याजिक भ्यान कारबाहीमा

आइतबार, फागुन ९, २०७७ बागेश्वरी पोस्ट

नेपालगन्ज । नेपालगन्जमा प्रहरीले म्याजिक भ्यानको छड्के चेकजाँच गरेको छ । नियम विपरित सवारी खचाखच भरेर गुडेका ६ वटा म्याजिक भ्यानलाई कारबाही गरेको जिल्ला ट्राफिक प्रहरी कार्यालय बाँकेले जानकारी दिएको छ । वडा प्रहरी कार्यालय नेपालगन्ज र जिल्ला ट्राफिक प्रहरी बाँकेको संंयुक्त चेकजाँचमा कागजपत्र नबोकेका र सिट क्षमता भन्दा बढी यात्रु बोकेका ६ वटा म्याजिक भ्यानलाई कारबाही गरिएको हो । त्यस्तै ट्राफिक प्रहरीले ७ वटा सवारीसाधनको कागजपत्र होल्ड गरेको जनाएको छ । कागजपत्र नबोकेर सिट क्षमता बढी यात्रु बोकेको एउटा म्याजिक भ्यान, २ वटा ट्याक्टर र एउटा जेसिबीलाई समेत नियन्त्रणमा लिएको जिल्ला ट्राफिक प्रहरी बाँकेले जानकारी दिएको छ । आज नेपालगन्जको राँझाचोकमा प्रहरीले ५० बढी म्याजिक भ्यानको चेक जाँच गरेको हो । नेपालगन्जमा प्रहरीले सवारीसाधन चेकजाँचलाई तीब्र पारेको छ ।