भेरी अस्पताल अगाडि पार्किङ गरे सिधै १ हजार जरिवाना

स्थानीय

गृहपृष्ठ
स्थानीय
भेरी अस्पताल अगाडि पार्किङ गरे सिधै १ हजार जरिवाना

भेरी अस्पताल अगाडि पार्किङ गरे सिधै १ हजार जरिवाना

रामलिला मैदानमा बन्यो नयाँ पार्किङ स्थल

सोमबार, फागुन १०, २०७७ बागेश्वरी पोस्ट

नेपालगन्ज । नेपालगन्जको भेरी अस्पताल अगाडि पार्किङ गरे जरिवाना तिर्नुपर्ने भएको छ। अस्पताल अगाडि जथाभावी सवारीसाधन पार्किङ गरेर अस्तब्यस्त रुपमा छोडिएका आधा दर्जन मोटरसाइकललाई ट्राफिक प्रहरीले नियन्त्रणमा लिएको छ ।

ट्राफिक प्रहरीले जिल्ला प्रशासन कार्यालय बाँके, भेरी अस्पताल, मालपोत र नापी कार्यालय अगाडि पार्किङ गरे जरिवाना गरिने बताएको छ ।जथाभावी पार्किङ गरेको जनगुनासो बढेपछि ट्राफिक प्रहरी बाँकेले त्यहाँ हुँदै आएको अब्यबस्थित पार्किङलाई रामलिला मैदानमा सारेको नेपालगन्ज ट्राफिक पोस्टका प्रमुख प्रहरी नायब निरीक्षक सिद्दीगणेश शाहले भने । शाहका अनुसार नयाँ बनेको पार्किङ स्थलमा पार्किङ गर्न अनुरोध गर्दा पनि अटेर गरेका आधा दर्जन मोटरसाइकललाई नियन्त्रणमा लिएर कार्यालय लिएर जरिवाना गरिएको हो ।

अबदेखि ट्राफिक प्रहरी त्यस स्थानमा रही सबै सवारीसाधन चालकलाई रामलिला मैदानमा पार्किङ गर्न अनुरोध गर्नेछ तर अटेरी गर्नेलाई भने सिधै १ हजार रुपैयाँ जरिवाना काटिने ट्राफिक प्रहरीले बताएको छ ।

प्रकाशित मिति: सोमबार, फागुन १०, २०७७ ०९:११

प्रतिक्रिया दिनुहोस्