खजुराका युवाहरुले घाइते गाईको उद्दार गरी गुलरिया पठाए

स्थानीय

गृहपृष्ठ
स्थानीय
खजुराका युवाहरुले घाइते गाईको उद्दार गरी गुलरिया पठाए

खजुराका युवाहरुले घाइते गाईको उद्दार गरी गुलरिया पठाए

बुधबार, मंसिर २२, २०७८ बागेश्वरी पोस्ट

नेपालगन्ज । बाँकेको खजुरा गाउँपालिकाका युवाहरुले घाइते भएर गम्भीर अवस्थामा रहेको गाईको उद्दार गरी उपचारका लागि बर्दियाको गुलरिया पठाएका छन् ।

एक हप्ता अघि जानकी गाउँपालिका वडा नम्बर ४ स्थित कर्णाली डिस्टिलरी अगाडि गाडीको ठक्करबाट गम्भीर घाइते भएको गाईलाई हिजो दिउँसोसम्म बाटोकै छेउँमै छाप्रो बनाई उपचार गरिरहेको तर हिजै दिउँसो सोल्टीज होप स्ट्रीट एनिमल रेस्क्यु सेन्टर गुलरिया पठाइएको राप्रपा खजुराका नेता सुधीर शुक्लाले बताए ।

एक हप्तासम्म जिवजन्तु प्रेमी खजुरा ३ का आशिष कुमार चौधरी, मनोज केसी, गुलरिया ४ बर्दियाका प्रकाश मल्ल, लक्ष्मण आचार्य र मैनापोखर बर्दियाका श्याम श्रेष्ठहरुले उक्त घाइते गाईको दिनरात उपचार गरेका थिए । गम्भीर अवस्थामा रहेको गाईको ४ वटा खुट्टा, गर्धन भाँचिएको र मुखमा गहिरो तरिकाले काटिएको उपचारमा संलग्न चौधरीले बताए ।

पटक-पटक सम्बन्धित निकायमा खबर गरेपनि कुनै चासो नदिएपछि आफुहरुले घाइते गाईको सडक छेउँमै उपचार गरेको चौधरीले बताए । राप्रपाको महाधिवेशन सकेर नेपालगन्ज एअरपोर्ट आइपुगेका बाँकेका युवा नेता मो.सफिक बेहनालाई खजुराका नेता शुक्लाले घाइते गाईको बारेमा जानकारी गराउने बित्तिकै नेता बेहना गाईको अवस्था बुझ्न सिधै कर्णाली डिस्टिलरी अगाडि गएर शुक्लालाई टयाक्टर व्यवस्था गरी गुलरियास्थित सोल्टीज होप स्त्रीट एनिमल रेस्क्यु सेन्टरमा लगेर उपचार गराउन निर्देशन दिएका थिए ।

नेता शुक्लाले गाई लैजानलाई टयाक्टर व्यवस्था समेत गरी गाईलाई गुलरियाको सोल्टीज होप स्ट्रीट एनिमल रेस्क्यु सेन्टर पठाइएको चौधरीले बताए । अहिले घाइते गाईको उपचार भइरहेको उपचारमा संंलग्न रहेका मल्लले बताए ।
No description available.