राप्तीसोनारीकी उपाध्यक्षमाथि भएको हमला प्रयासप्रति बाँकेका सबै उपप्रमुखहरुको ध्यानाकषर्ण

राजनीति

गृहपृष्ठ
राजनीति
राप्तीसोनारीकी उपाध्यक्षमाथि भएको हमला प्रयासप्रति बाँकेका सबै उपप्रमुखहरुको ध्यानाकषर्ण

राप्तीसोनारीकी उपाध्यक्षमाथि भएको हमला प्रयासप्रति बाँकेका सबै उपप्रमुखहरुको ध्यानाकषर्ण

सोमबार, पुस ७, २०७६ बागेश्वरी पोस्ट

नेपालगन्ज ।बाँकेको राप्ती सोनारी गाउँपालिकाकाकी उपाध्यक्ष धनी कुमारी खत्रीलाई दिइएको धम्की र सांघातिक हमलाको प्रयासप्रति बाँकेका ७ जना स्थानीय तहका उपप्रमुखहरुले गम्भिर ध्यानाकषर्ण गराएका छन् ।

उपप्रमुख खत्रीलाई पुष ४ गते राप्तीसोनारी गाउँपालिकाको कार्यकक्षमै गएर राप्ती सोनारी ४, बैजापुर निवासी ठेकेदार मान बहादुर खड्काले दुर्वव्यवहार, हातपात प्रयास , धम्की र कार्यालय परिसरमा तोडफोड गरेका थिए।

विनौनाचौक देखि मधुवा जोडने पुल सम्मको बाटो बनाउने योजनाका विषयमा अनुगमनको फाईलमा हस्ताक्षर गर्नुपर्ने दबाब दिएपछि उपाध्यक्ष खत्रीले अनुगमन गरेर मात्र हस्ताक्षर गर्ने प्रस्ट्याउदा समेत खड्काले उक्त अमानबिय कार्य गरेका हुन् । यसै घटनाका बारेमा बाँकेका सबै स्थानिय तहका उपप्रमुख तथा योजना समितीका संयोजकहरुले घोर भत्र्सना गर्दै बिज्ञप्ति जारी गरेका छन् ।

नेपाालगन्ज उपमहानगरपालीकाकि उपप्रमुुुखक उमा थापा मगर, कोहलपुर नगरपालिकाकि उपप्रमुख सञ्जु चौधरी, उपाध्यक्ष बैजनाथ गाउँपालिकाकी शारदा वि.क. रेग्मी, उपाध्यक्ष खजुरा गाउँपालिकाकी एकमाया वि.क., डुडुवा गाउँपालिकाकी उपाध्यक्ष साहिदा बानो, जानकी गाउँपालिकाकी उपाध्यक्ष भुमिसरा धिताल र नरैनापुर गाउँपलिकाकी उपाध्यक्ष जयन्ती श्रीवास्तवले संयुक्त रुपमा बिज्ञप्ति जारी गर्दै घटनाको घोर बिरोध प्रकट गरेका छन् ।

साथै सोही गाउँपालिकामा कार्यरत इन्जिनियर दिपेन्द्र सापकोटाले समेत जनप्रतिनिधिलाई काम गर्न सहज वातावरण र सहयोग गर्नुपर्ने अवस्थाको उलंघन गर्दै उपाध्यक्ष खत्री माथी गरेको असहज र असहयोगप्रति उनीहरुले खेद प्रकट गरेका छन् । नेपालको संविधान र स्थानीय सरकार संचालन ऐनले उपाध्यक्ष÷उपप्रमुखलाई अनुगमन समितिको संयोजकको रुपमा दिइएको अधिकार र जिम्मेवारी अनुसार भूमिका निर्वाह गर्दा हुने यस्ता घट्नाले डर त्रास र असुरक्षाको अनुभुति गराएको बिज्ञप्तिमा उल्लेख छ।

निर्वाध रुपमा काम गर्ने वातावरणको अभाव र केहि कर्मचारीको असहयोगको कारण जनभावना अनुसार काम गर्न पनि अनुगमन समितीका संयोजकलाई थप चुनौति सृजना भएको बिज्ञप्ति मार्फत उनिहरुले ध्यानाकषर्ण गराएका छन् । यसरी हुल हुज्जत गरि जनप्रतिनिधिलाई धम्काइनु गम्भिर अपराध भएको उनीहरुको ठहर छ । साथै कुनै पनि नाम वा वहानामा गरिने यस्ता क्रियाकलाप स्वीकार्य नहुने उनीहरुको भनाई छ ।

यस्ता घटना पुनरावृत्ति हुने परिस्थिती सिर्जना नगरिदिन हुन सम्बद्ध सबैमा आग्रह गर्दै उक्त घटनामा संंलग्नलाई कानूनी कारवाहीको दायरामा ल्याउन जोडदार उनीहरुको माग रहेको छ ।

प्रकाशित मिति: सोमबार, पुस ७, २०७६ ०९:४४