नेपालगञ्ज उद्योग बाणिज्य संघको निर्वाचनः साझा प्रजातान्त्रिक उद्योगी व्यवसायी समूह निर्माण

राजनीति

गृहपृष्ठ
राजनीति
नेपालगञ्ज उद्योग बाणिज्य संघको निर्वाचनः साझा प्रजातान्त्रिक उद्योगी व्यवसायी समूह निर्माण

नेपालगञ्ज उद्योग बाणिज्य संघको निर्वाचनः साझा प्रजातान्त्रिक उद्योगी व्यवसायी समूह निर्माण

बिहीबार, पुस १०, २०७६ बागेश्वरी पोस्ट

नेपालगञ्ज । नेपालगञ्ज उद्योग वाणिज्य संघको आसन्न निर्वाचनलाई मध्यनजर गर्दै दुई संगठनबीच साझा प्यानल बनाउने सहमति भएको छ ।

नेपालगञ्ज उद्योग वाणिज्य संघको माघ ११ गते हुन गइरहेको निर्वाचनमा नेपाली कांग्रेस निकट प्रजातान्त्रिक उद्योगी व्यवसायी संघ र राष्ट्रिय प्रजातन्त्र पार्टी निकट राष्ट्रिय प्रजातान्त्रिक उद्योग व्यापार संगठनले सम्झौता गरी साझा प्रजातान्त्रिक उद्योगी व्यवसायी समूहको रुपमा निर्वाचनमा सहभागी हुन लागेका हुन् ।

प्रजातान्त्रिक उद्योगी व्यवसायी संघ बाँकेका अध्यक्ष पुरुषोत्तम शर्मा र राष्ट्रिय प्रजातान्त्रिक उद्योग व्यापार संगठनका अध्यक्ष सलाउद्दीन जसगढद्वारा आज जारी संयुक्त विज्ञप्तिमा सो सम्झौता गरिएको उल्लेख गरिएको छ । व्यवसायीहरुको छाता संगठनका रुपमा अपनत्ववोध गराउँदै अझैं सशक्त र प्रभावकारी भूमिका निर्वाह गर्नुपर्ने आवश्यकता अनुसार लोकतन्त्र र उदार अर्थ नीतिप्रति आस्थावान् सम्पूर्ण उद्योगी व्यवसायीहरु संगठित भएको सम्झौतापत्रमा प्रष्ट्याइएको छ ।

उद्योगी व्यवसायी मात्र होइन, निजी क्षेत्रको समग्र सवाल र मुद्दा उठान गर्न र सम्वोधनको वातावरण सिर्जना गर्न साझा प्यानल निर्माण गरेर मतदातामाझ प्रस्तुत भएको जारी विज्ञप्तिमा भनिएको छ । संघको निर्वाचन नजिकिएसँगै अध्यक्ष लगायतका उम्मेदवारको नाम पनि चर्चामा आएको छ । साझा प्रजातान्त्रिक समूहबाट ललित कुमार रौनियारलाई अध्यक्षको उम्मेदवारका रुपमा अघि सारिएको छ । उसले २ ३ दिनमै सबै उम्मेदवार सार्वजनिक गर्ने बताएको छ ।

यसैवीच साझा प्रजातान्त्रिक उद्योगी व्यवसायी समूहले न्यूरोड भानुचौकस्थित निर्वाचन सम्पर्क कार्यालय स्थापनासंगै उम्मेदवार चयन प्रक्रियालाई पनि तीव्रता दिएको छ।

प्रकाशित मिति: बिहीबार, पुस १०, २०७६ १७:५९

प्रतिक्रिया दिनुहोस्